影片
更多
2017-02-04
84 瀏覽
自從早兩個月去潮褔食完一次蒸氣鍋畢生難忘之後，實在期待不已，一定要再食一次，但係老婆大人唔想重覆食同一間，於是就Book左間第一次。地點尼講，算近柯士甸站，3分鐘可到，好多車位。餐廳環境尼講，非常乾淨，有西餐廳既feel。坐低基本唔駛續樣點，照餐牌叫set就得，飲品方面，如果唔介意熱飲，其實坐低就有花茶飲，只係我想似凍野，就叫左個咸檸七，咸檸夠入味，篤埋先上，誠意之舉。話咁快，已經上鍋加米，首先係蒸蝦同蜆，正常海鮮，不過就難得既新鮮。然後係重點既龍躉肉，骨都去埋，切到大小剛好，難得係竟然仲有塊非常矜貴既龍躉皮，事關龍躉皮好多時用於炸魚皮等等其他用途，而皮質彈性，配合肉質鮮味，絕對係頂級佳餚。再尼就係手打丸同埋日本宮崎放養豬梅頭肉，哩隻肉質係第一次見，入口非常有豬味，質感有彈性，比黑毛豬更鮮更惹味。再來係帶子裙邊同埋帶子，無錯，係分開蒸分開上既，原因應該係想將兩個口感截然不同既食物分開，帶子蒸出尼既倒汗水仲非常有鮮味，帶少許海鹽咸味，極致既享受。最後一輪就係疏菜同埋不得不提既嫲嫲愛心韮菜餃，絕對食得出係自製，多菜少肉，冇肥肉，食落質感竟然同我細個媽媽整既一樣，遺忘多年既味道。菜都食埋就要
地點尼講，算近柯士甸站，3分鐘可到，好多車位。餐廳環境尼講，非常乾淨，有西餐廳既feel。
坐低基本唔駛續樣點，照餐牌叫set就得，飲品方面，如果唔介意熱飲，其實坐低就有花茶飲，只係我想似凍野，就叫左個咸檸七，咸檸夠入味，篤埋先上，誠意之舉。
話咁快，已經上鍋加米，首先係蒸蝦同蜆，正常海鮮，不過就難得既新鮮。
然後係重點既龍躉肉，骨都去埋，切到大小剛好，難得係竟然仲有塊非常矜貴既龍躉皮，事關龍躉皮好多時用於炸魚皮等等其他用途，而皮質彈性，配合肉質鮮味，絕對係頂級佳餚。
再尼就係手打丸同埋日本宮崎放養豬梅頭肉，哩隻肉質係第一次見，入口非常有豬味，質感有彈性，比黑毛豬更鮮更惹味。
再來係帶子裙邊同埋帶子，無錯，係分開蒸分開上既，原因應該係想將兩個口感截然不同既食物分開，帶子蒸出尼既倒汗水仲非常有鮮味，帶少許海鹽咸味，極致既享受。
最後一輪就係疏菜同埋不得不提既嫲嫲愛心韮菜餃，絕對食得出係自製，多菜少肉，冇肥肉，食落質感竟然同我細個媽媽整既一樣，遺忘多年既味道。
菜都食埋就要揭盅食粥底啦，打開竟然真係好多米，唔係出面食果d粥水，仲有排骨響粥入面，蒸完海鮮既粥底亦有一陣既鮮甜。
食埋粥底其實已經飽到上心口，再尼仲有桃膠雪耳木瓜糖水，啱晒我近排口嚨痛。
張貼
