影片
更多
2019-09-24
54 瀏覽
見過fb有關呢間小店嘅報道，今日一探究竟，原來都有驚喜。工廈入面無豪華裝修，但掛上咁靚嘅食物圖，令人心情都好d。晚餐都係一百蚊左右，有飲品、湯、主菜、甜品。1. 香煎法式鵝肝配忌廉芝士意大利飯好少係小店見到鵝肝呢款食物，仲要一set只係150之內🙊鵝肝都有一隻手指厚，而且煎得好香，入面係軟滑嘅口感，意大利飯無俾芝士搶風頭，配上野菌，質地更滑，食落亦唔會多油。2.帶子意粉意粉選用左比較有咬口嘅扁意粉，好爽脆而且啲汁亦都夠多，相對食起嚟會比較香滑，帶子好厚實，煎得好嫩，口感好好。雖然餐廳冇好華麗嘅環境同擺設，但係喺呢兩個主菜都見到店裏面好有心思，即使係簡單嘅一餐都有少少裝飾，令人覺得係好舒服嘅環境底下，都可以認真食一餐有要求嘅餸。餐湯同食物都係偏向清淡，食完都唔會太油膩。3. 值得一試嘅水果茶大大粒原粒水果肉好清新好爽口，入面有橙仲有蘋果同西瓜等等非常之解渴，好有夏日嘅感覺，更加重要嘅係唔會過甜，唔使嗌少甜味道都啱啱好。甜品仲有兩款雪糕可供選擇，分別係曲奇味同芒果味，我覺得奶味重啲，但都幾滑，一樣唔會太甜，甚至有啲人重口味嘅會覺得有啲淡添，不過都好清新。環境方面呢度係開放式嘅廚房設計,你會
工廈入面無豪華裝修，但掛上咁靚嘅食物圖，令人心情都好d。晚餐都係一百蚊左右，有飲品、湯、主菜、甜品。
1. 香煎法式鵝肝配忌廉芝士意大利飯
鵝肝芝士忌廉意大利飯
1 瀏覽
0 讚好
0 留言
好少係小店見到鵝肝呢款食物，仲要一set只係150之內🙊鵝肝都有一隻手指厚，而且煎得好香，入面係軟滑嘅口感，意大利飯無俾芝士搶風頭，配上野菌，質地更滑，食落亦唔會多油。
2.帶子意粉
1 瀏覽
0 讚好
0 留言
意粉選用左比較有咬口嘅扁意粉，好爽脆而且啲汁亦都夠多，相對食起嚟會比較香滑，帶子好厚實，煎得好嫩，口感好好。
雖然餐廳冇好華麗嘅環境同擺設，但係喺呢兩個主菜都見到店裏面好有心思，即使係簡單嘅一餐都有少少裝飾，令人覺得係好舒服嘅環境底下，都可以認真食一餐有要求嘅餸。餐湯同食物都係偏向清淡，食完都唔會太油膩。
3. 值得一試嘅水果茶
大大粒原粒水果肉好清新好爽口，入面有橙仲有蘋果同西瓜等等非常之解渴，好有夏日嘅感覺，更加重要嘅係唔會過甜，唔使嗌少甜味道都啱啱好。
甜品仲有兩款雪糕可供選擇，分別係曲奇味同芒果味，我覺得奶味重啲，但都幾滑，一樣唔會太甜，甚至有啲人重口味嘅會覺得有啲淡添，不過都好清新。
環境方面呢度係開放式嘅廚房設計,你會同廚師有好近嘅距離接觸，哈哈即係你有機會係望住佢整嘢食個樣呀，同時亦都會聞到食物一路煮一路飄出嘅香味，都幾有趣。
張貼
