影片
更多
2016-09-21
1784 瀏覽
趁連假帶住兩個小老闆入淺水灣放電，好耐無黎都唔知呢度開左個新商場The Pulse (可能人地開左好耐，只係對我黎講係”新”o者，haha~~) 。兩隻馬騮玩到累，我地就走入商場搵地方開餐，見到呢間日式餐廳空間寬敞，感覺悠閒，加上主打燒物，啱晒兩隻化骨龍，所以就揀左呢度。餐廳正中間有個好矚目既圍爐係度燒緊食物，我同對仔女都覺得好有趣，坐低後我就點左幾款香口野畀佢地食，牛油燒粟米($78)可以話係細路哥最愛，香香甜甜又多汁，一人三件就火速KO左~! OH, 我只食到一啖~之後叫左個幾得意既燒雞泡魚乾($78)，我都未食過架，唔知係咩味，見佢幾得意又好似幾推介，即管試下新野啦! 一上枱就聞到好香，食落又真係相當香口，煙煙韌韌口感幾得意。當然唔少得另一細路仔最愛食既雞中翼串($68)，唔知係咪因為呢度用左比較特別嘅燒法，所以食落真係比平時喺出面食到既特別香脆，入面仲鎖住到肉汁，雞肉嫩滑，加少少檸檬汁仲過癮。到主角出場喇，就係燒肉眼扒($388)，照顧左佢兩個成日，我都要慰勞下自己先得架！見到賣相已經勁吸引，我忍唔住問店員其實佢地呢度既燒物點解特別香？店中呢度唔係用普通炭去燒，而係用日本橡木精
餐廳正中間有個好矚目既圍爐係度燒緊食物，我同對仔女都覺得好有趣，坐低後我就點左幾款香口野畀佢地食，牛油燒粟米($78)可以話係細路哥最愛，香香甜甜又多汁，一人三件就火速KO左~! OH, 我只食到一啖~
之後叫左個幾得意既燒雞泡魚乾($78)，我都未食過架，唔知係咩味，見佢幾得意又好似幾推介，即管試下新野啦! 一上枱就聞到好香，食落又真係相當香口，煙煙韌韌口感幾得意。
當然唔少得另一細路仔最愛食既雞中翼串($68)，唔知係咪因為呢度用左比較特別嘅燒法，所以食落真係比平時喺出面食到既特別香脆，入面仲鎖住到肉汁，雞肉嫩滑，加少少檸檬汁仲過癮。
到主角出場喇，就係燒肉眼扒($388)，照顧左佢兩個成日，我都要慰勞下自己先得架！見到賣相已經勁吸引，我忍唔住問店員其實佢地呢度既燒物點解特別香？店中呢度唔係用普通炭去燒，而係用日本橡木精製嘅備長炭，佢話呢種炭密度高，耐燒D，溫度高D，所以可以即時燒香肉眼既表面油脂，做到表面金黃香脆、入面呈嫩粉紅色既效果。原來如此，唔怪之得食落真係入口即溶。
最後叫左份日式甜品三重奏($128)開心share，有自家製法式燉蛋、日式白桃芝士蛋糕及濃香綠茶奶凍，兩位大帝一人一杯奶凍好滿足，唔會太甜，感覺都健康D，白桃Cheese cake味道都幾清新，法式燉蛋都相當有水準。
張貼
