Loop Kulture

營業中

休息中

以為下午4點較少人，去到滿座都等咗一陣，非常熱門，一位難求。由一座建於逾半世紀前嘅舊樓改造，樓高兩層，保留有歲月痕跡嘅灰白牆，好多綠色植物做裝飾，感覺清新🌿樓底高，空間感大裝潢設計用最多人鍾意嘅木色，休閒舒適🪵食物味道難得高質！難得喺cafe可以食到好食嘅輕食（去開cafe嘅人一定會明我講乜😌）🍀Loop椰子水加椰子冰加椰子片，加一杯濃縮咖啡、一杯椰奶。味道幾夾，推薦比想試特色咖啡嘅人。🍀Rigatoni Alla Classic Carbonara用粗管通粉同處理得偏硬身，口感al dente，pancetta煙腩肉同楓糖煙肉煎到極脆同出晒油，邪惡😈巴馬臣芝士味濃郁，個蛋汁做得好厚身，掛汁，好好食👍🏻Carbonara要好食最緊要個汁，唔太乾又唔太濕，最怕食到忌廉汁。呢碟我比滿分💯🍀水牛城雞翼有粉漿包住雞翼所以食落好脆身，比想像中辣好惹味🌶️大概8隻左右，加sour cream配搭好美式。