標叔叔小食店

營業中

休息中

深水埗美食真係數之不盡，標叔叔樣樣小食都好正。牛肉球非常鮮牛肉味，甚至比酒樓食到既更加好味，因為而家酒樓為左減低成本會加入豬肉，所以冇咩牛味，唔係真·牛肉球。豬肉燒賣好滑嫩，而且肥瘦得宜，突然令我諗起澳門食既燒賣，有異曲同工之妙。至於串燒一樣出色，豬頸肉好爽口，而且肉汁亳無保留咁滲出黎，外表亦燒得香脆。墨魚丸粒粒燒到色澤均勻又靚，少少既辣粉令墨魚丸更為惹味。