影片
更多
2025-03-19
288 瀏覽
C2 Lab (深水埗)深水埗福榮街157號地舖深水埗隱世嘢食好地方，前排同朋友發現咗一間不錯嘅西餐，行過都應該會見到，有個一比一嘅 Iron Man 放喺門口，真係型格又夠驚喜！一入到去，環境有種低調嘅時尚感，侍應仲好熱情咁同我哋介紹菜單。晚市嗌主菜，+88套餐可以另選前菜，另外仲可以加多幾十蚊有甜品，性價比高。🍤 酥炸軟殼蝦凱撒沙律前菜一上枱就係酥炸軟殼蝦凱撒沙律，係另外一個是日精選 Menu，嗰啲軟殼蝦炸得金黃香脆，連殼一齊食都無問題，蝦肉鮮甜，配上凱撒醬嘅酸香同沙律菜嘅清新！🍲 黑松露忌廉湯餐湯係黑松露忌廉湯，聞落去松露香氣扑鼻，入口濃郁又順滑，忌廉同松露嘅味道非常夾，暖笠笠，滿足。🥩 低溫美國慢煮和牛面頰配薯蓉主菜我揀咗低溫美國慢煮和牛面頰配薯蓉，哇，呢個和牛面頰慢煮得軟腍到入口即化，肉汁鎖得好靚，配上薯蓉嘅綿滑口感，食完一件仲想 encore。🍚 鮮蟹肉北海道帶子紅花意大利飯朋友試咗鮮蟹肉北海道帶子紅花意大利飯，粒粒飯吸晒蟹肉嘅鮮味，帶子煎得外脆內嫩，紅花嘅淡淡香氣令成碟飯更有層次。🍰 自家製 Tiramisu甜品揀咗佢哋自家製 Tiramisu，加幾十蚊真係抵到笑！入口即
深水埗福榮街157號地舖
深水埗隱世嘢食好地方，前排同朋友發現咗一間不錯嘅西餐，行過都應該會見到，有個一比一嘅 Iron Man 放喺門口，真係型格又夠驚喜！一入到去，環境有種低調嘅時尚感，侍應仲好熱情咁同我哋介紹菜單。晚市嗌主菜，+88套餐可以另選前菜，另外仲可以加多幾十蚊有甜品，性價比高。
🍤 酥炸軟殼蝦凱撒沙律
前菜一上枱就係酥炸軟殼蝦凱撒沙律，係另外一個是日精選 Menu，嗰啲軟殼蝦炸得金黃香脆，連殼一齊食都無問題，蝦肉鮮甜，配上凱撒醬嘅酸香同沙律菜嘅清新！
🍲 黑松露忌廉湯
餐湯係黑松露忌廉湯，聞落去松露香氣扑鼻，入口濃郁又順滑，忌廉同松露嘅味道非常夾，暖笠笠，滿足。
🥩 低溫美國慢煮和牛面頰配薯蓉
主菜我揀咗低溫美國慢煮和牛面頰配薯蓉，哇，呢個和牛面頰慢煮得軟腍到入口即化，肉汁鎖得好靚，配上薯蓉嘅綿滑口感，食完一件仲想 encore。
🍚 鮮蟹肉北海道帶子紅花意大利飯
朋友試咗鮮蟹肉北海道帶子紅花意大利飯，粒粒飯吸晒蟹肉嘅鮮味，帶子煎得外脆內嫩，紅花嘅淡淡香氣令成碟飯更有層次。
🍰 自家製 Tiramisu
甜品揀咗佢哋自家製 Tiramisu，加幾十蚊真係抵到笑！入口即化，咖啡味濃而不苦，忌廉幼滑又有陣陣酒香，食完一啲都唔膩，完美收尾！
整體嚟講，職員有禮貌，前菜主菜水準又高，甜品自家製 Tiramisu 更加係驚喜，下次同朋友再嚟，必定要試吓其他是日精選！
張貼
