.
因為覺得晚上氣氛比較好，所以特意挑選左夜幕低垂時份到訪享受美酒佳餚。晚上以提供各類美酒、小食、甜品為主，正餐主食亦有意粉選擇。
.
🍝蒜蓉大蝦意粉 💲125
唔想太ʜᴇᴀᴠʏ主食叫左蒜蓉大蝦意粉，意粉乾身有三隻大蝦，蒜味濃厚。
.
🐷厚切完美平衡叉燒 💲80
餐廳推薦必試佢地既叉燒同埋慢煮牛舌。超厚切既叉燒肥瘦均稱，係半肥瘦叉既最高境界。叉燒肉嫩，蜜汁香甜，口感軟腍確實係無介紹錯。
.
🐮慢煮澳洲穀飼牛舌 💲80
一樣係厚切既牛舌，用左12小時慢煮方式處理臨上檯前仲會煎一煎，做到面有微微焦香但肉質保持爽嫩唔會乾鞋，係上佳既佐酒小食。
.
🐔秘製微辣焗雞翼 💲40/3
雞翼叫左半份三隻版本，質素絕對有驚喜，新鮮焗起熱辣辣雞翼，皮非常鬆脆而內裡依然留有豐富肉汁，微辣雞翼佐酒一流。
.
ᴅᴇꜱꜱᴇʀᴛ ᴄᴏᴄᴋᴛᴀɪʟ
🥛ᴛᴏꜰᴜ ꜰᴀ 豆腐花 💲128
餐廳最新出左4款特色既甜品ᴄᴏᴄᴋᴛᴀɪʟ，全部係港式糖水鋪必備既人氣大熱甜品，包括：「豆腐花」、「芝麻糊」、「紫米露」同「楊枝甘露」。餐廳話最受客人喜愛既係楊枝甘露，而最有特色一定係「豆腐花」。以豆奶、椰青水加ᴠᴏᴅᴋᴀ同ɢɪɴɢᴇʀ ʟɪQᴜᴏʀ整成既豆腐花用傳統木碗呈上，仲配埋食豆花必備既黃糖，好似食緊真豆花一樣。
.
ꜱɪɢɴᴀᴛᴜʀᴇ ᴄᴏᴄᴋᴛᴀɪʟ
🍹ꜱᴛ-ɢᴇʀᴍᴀɪɴ ꜱᴘʀɪᴛᴢ 💲98
餐廳既ꜱɪɢɴᴀᴛᴜʀᴇ ᴄᴏᴄᴋᴛᴀɪʟ ᴍᴇɴᴜ非常貼心咁以酒精濃度由低至高咁一一排好，每款酒仲有埋詳細中英對照介紹唔會叫完都唔知自己飲緊。自問酒量淺所以揀左酒精濃度最低既氣酒扮下野。接骨木花、檸檬加熱情果既氣酒，味道酸酸甜甜好岩女仔飲。
.
🍨ᴀꜰꜰᴏɢᴀᴛᴏ 💲68
見檯檯係到度倒啡打卡所以唔執輸試埋佢地夏日限定甜品 - 微醺版本既ᴀꜰꜰᴏɢᴀᴛᴏ。同傳統既ᴀꜰꜰᴏɢᴀᴛᴏ唔同，呢到既雪糕係白蘭地雪糕配ᴏɴᴇ ꜱʜᴏᴛ ᴇꜱᴘʀᴇꜱꜱᴏ。甜甜既白蘭地雪糕有淡淡酒味唔算濃，配埋啖啡覺得有少少似飲緊ʙᴀɪʟᴇʏꜱ甜酒一樣，呢個甜品就算唔太飲得酒既朋友都會岩食。
.
總結：酒吧氣氛非常好，裝修型格，飲品有特色性價不俗，呢度會不時推出以樂隊ᴋᴏʟᴏʀ歌曲命名既期間限定ᴄᴏᴄᴋᴛᴀɪʟ，值得推薦試下。
.
不專業食評 nei.foodie
