標記樂園潮州粉麵餐廳

營業中

休息中

深水埗真係一個美食天堂！款式又多，價錢又平又抵食！行到累累地見呢間標記好似好出名，一於入去試下先！必食推介嘅奶油脆豬包真係烘到好鬆脆！咬落去脆卜卜！外表鬆脆，而入面係鬆化！牛油同煉奶比例啱啱好，好均勻！手打牛丸同一般食嘅牛丸真係完全唔同！牛丸超彈牙！而且入面有肉汁！彈牙得嚟又好嫩！好好食！牛沙瓜見個名好得意，問下係咩嚟，原來係牛嘅第四個胃！出面好少見到！其實佢仲牛坑腩同崩沙腩，可惜已經賣晒喇！今次試咗牛沙瓜先！牛沙瓜抆得夠腍，而且好入味，有少少脂肪，所以食落幾香口個南乳豬手真係不得了！超腍，夠入味，而且大大件！南乳味甜甜地好香！個汁用嚟送飯一流！真係兩碗都食得晒！叫碟油菜用黎點汁食一樣咁正！紅豆冰奶味好足！唔會好似飲糖水咁！紅豆大大粒，食完野之後叫返杯當飯後甜品都唔錯～