我揀咗自選組合，三文魚+吞拿魚雙拼，底就要咗糙米飯。一上枱已經睇到份量十足，魚生鋪到滿一滿！三文魚油潤肥美，吞拿魚鮮味十足，兩種魚生都切得大粒，咬落去超有口感。糙米飯煮得啱啱好，軟硬適中，健康得嚟又飽肚。
配料方面我揀咗牛油果、粟米、青瓜同埋紫菜碎，仲加咗佢哋自家製嘅wasabi醬油。牛油果熟到剛剛好，creamy嘅口感同魚生超夾；wasabi醬油帶少少攻鼻感，但唔會太嗆，反而令成碗飯更加開胃！
朋友就叫咗個辣味吞拿魚配沙律底，試咗一啖都覺得唔錯，辣辣地幾過癮，適合想食得輕盈啲嘅朋友。
絕對係深水埗區一個健康又好味嘅選擇。行街行到攰攰哋，過嚟食碗poke bowl叉叉電，真係唔錯㗎！
1
