深宵食堂 (已結業)

有時出黎玩成日識到新朋友，新朋友有興趣保持聯絡，而多朋友既好處，就係可以知道邊到有好野食，尤其是身邊都係吃貨，你想唔食都唔得呀!今次係銅鑼灣樓上深宵食堂，環境相當別緻，好好彩，staff offer左個卡位比我地！真係坐到想訓埋落去呀，不過果陣已經夜晚9點幾，唔敢食太多，嗌左少少野食👇👉食得日本菜無理由唔嗌炸野嘅，試左呢個炸紫薯。我最鍾意紫薯佢入口有唔同質感，一切落去已經爆哂好多紫薯汁出黎，口感豐富，味道香濃，炸紫薯本身既特色就係呢點。另外，我本身好鍾意食燒魷魚，因為相對脆口，索索聲幾有滿足感，佢呢隻燒魷魚就非常合我心水啦！咬落去你完全感受到佢果種又脆又薄，而且味道非常香濃，係一種令人覺得有溫暖滿足既感覺，呢種味道和口感缺一不可啦！絕對要試！ 呢度野食咸淡得宜，配合食物飲清酒，係非常夾！可以一試。