影片
更多
2023-06-18
402 瀏覽
同朋友食完飯，就開始我哋嘅board game之夜，大家玩得勁投入，直到有人嗌肚餓，再望吓個鐘，原來已經12點鐘喇！雖然朋友屋企連杯麵都無，但好彩對面就有間串燒小店川味香！喺川味香門外就聞到極誘惑嘅串燒香味，令呢個深夜更加肚餓！一口牛柳粒、薄切牛舌作為牛魔王，肉類選擇方面又點少得牛呢！不過，串燒牛肉嘅火喉控制真係唔簡單，好彩川味香亦都無令人失望。一口牛柳粒串燒一啲都唔韌，仲有唔少肉汁；而薄切牛舌就更有驚喜，肉質夾口，充滿口感而肉味香濃。雞軟骨、雞腎、雞全翼雞肉方面叫咗雞軟骨、雞腎同雞全翼。呢三款雞肉串燒都非常入味，香料調味夠惹味。爽口嘅雞軟骨同雞腎都非常彈牙，極具口感！至於燒雞翼我鍾意食，雞皮燒到香脆，仲有焦香味呢！多春魚多春魚燒得乾身香脆，仲有勁多春，非常香口。原條蒜茸茄子食串燒點可以無茄子呢！上面嘅蒜茸同香料十足，啖啖都有香蒜，夠晒惹味。韮菜韮菜燒得夠乾身，鍾意韮菜香味真係不能錯過。錫紙花甲粉呢個錫紙花甲粉勁足料！除咗鮮甜嘅花甲，配料有粉絲、金菇同娃娃菜，全部配料都索晒湯汁精華，好好味！
一口牛柳粒、薄切牛舌
作為牛魔王，肉類選擇方面又點少得牛呢！不過，串燒牛肉嘅火喉控制真係唔簡單，好彩川味香亦都無令人失望。一口牛柳粒串燒一啲都唔韌，仲有唔少肉汁；而薄切牛舌就更有驚喜，肉質夾口，充滿口感而肉味香濃。
雞軟骨、雞腎、雞全翼
雞肉方面叫咗雞軟骨、雞腎同雞全翼。呢三款雞肉串燒都非常入味，香料調味夠惹味。爽口嘅雞軟骨同雞腎都非常彈牙，極具口感！至於燒雞翼我鍾意食，雞皮燒到香脆，仲有焦香味呢！
多春魚
多春魚燒得乾身香脆，仲有勁多春，非常香口。
原條蒜茸茄子
食串燒點可以無茄子呢！上面嘅蒜茸同香料十足，啖啖都有香蒜，夠晒惹味。
韮菜
韮菜燒得夠乾身，鍾意韮菜香味真係不能錯過。
錫紙花甲粉
呢個錫紙花甲粉勁足料！除咗鮮甜嘅花甲，配料有粉絲、金菇同娃娃菜，全部配料都索晒湯汁精華，好好味！
張貼
