極尚大喜屋 (加連威老道) (已結業)

深夜總是肚仔餓, 口痕痕想食返啲小食同埋同friend飲返幾杯, 極尚大喜屋可能係一個好選擇。有多款小食之餘, 連酒精飲品都係免費續杯。雖然放題當然冇居酒屋嘅野咁精緻, 但食物嘅種類有好多, 價錢亦相當親民, 而且可以食三、四個鐘, 係－個同三五知己小聚嘅好地方。<刺身>刺食中規中矩, 無話特别鮮甜, 都唔會難食。<各款壽司>壽司種類都有幾多, 外表好睇之外, 味道亦相當唔錯。激推海膽軍艦、 芝士蟹棒壽司同帆立貝壽司。<蒲燒鰻魚串>蒲燒鰻魚都燒得相當有功夫, 可惜醬汁偏多,味道太甜, 搶咗鰻魚本身嘅味道。<芝士帆立貝>呢個帆立貝就唔太建議大家食。整體嚟講就係一堆嘅醬汁, 無咩肉食之餘又好飽肚。<各款炸物>炸物嘅種類有好多, 建議大家除咗食果啲固定會嗌嘅炸蝦、炸雞翼之外, 亦可以試下佢嘅炸榴槤同炸鮮奶~特别之餘, 味道又相當濃郁。<燒酒>酒類任飲呢點簡直就係極尚大喜屋嘅一大賣點, 建議大家嗌熱嘅燒酒 / 凍嘅梅酒黎飲。前者凍飲味道會太淡, 後者熱飲則會過甜。<Haagen-Dazs