影片
更多
2025-05-04
91 瀏覽
本身今晚約咗人去尖沙咀食沾麵🍜，點知原來執咗笠。夜麻麻一時三刻唔知食乜好，咁就不如食狗仔粉啦，開得夠晒夜可以慢慢食。通常我都係食火鴨翅嘅，今日比較肚餓，就叫多隻鴨髀。朋友未嚟過呢度，所以我就介紹佢食招牌嘅狗仔粉。另外叫咗個黑白炸丸同埋魚皮餃share😋😋🪿我鍾意食火鴨翅係因為覺得佢足料啲，而且濃味啲。佢入面有冬菇有火鴨絲同木耳，食落口感十足。而且佢仲有菜譜可以比我自由加到食物之中。火鴨髀嘅話我就叫咗上髀，其實不嬲都唔明上下比有乜分別，唔知道點解兩個價錢會唔同。我自己覺得食落口就真係好似差唔多啦。🐩之前都有食過狗仔粉，但係由於我本人比較唔鍾意食澱粉類，所以少食。狗仔粉個湯底用咗冬菇同其他材料，所以食落都非常清香。🥟魚皮餃重點在於佢嘅醬汁，呢款係18座秘製嘅醬，出面絕對食唔到。香濃嘅醬汁，加上具有油甘香嘅魚皮餃，絕對係Perfect match。另外黑白炸丸煲炸得非常香口。黑係指貢丸。白係指墨魚丸。雖然好油，但係粒粒都就到脹卜卜非常美味。雖然而家都已經貴過以前好多，兩個人叫咗咁多嘢食，仲有飲品先至係百幾蚊，作為宵夜真係一個好唔錯嘅選擇。❤️
通常我都係食火鴨翅嘅，今日比較肚餓，就叫多隻鴨髀。朋友未嚟過呢度，所以我就介紹佢食招牌嘅狗仔粉。另外叫咗個黑白炸丸同埋魚皮餃share😋😋
🪿我鍾意食火鴨翅係因為覺得佢足料啲，而且濃味啲。佢入面有冬菇有火鴨絲同木耳，食落口感十足。而且佢仲有菜譜可以比我自由加到食物之中。
火鴨髀嘅話我就叫咗上髀，其實不嬲都唔明上下比有乜分別，唔知道點解兩個價錢會唔同。我自己覺得食落口就真係好似差唔多啦。
🐩之前都有食過狗仔粉，但係由於我本人比較唔鍾意食澱粉類，所以少食。狗仔粉個湯底用咗冬菇同其他材料，所以食落都非常清香。
🥟魚皮餃重點在於佢嘅醬汁，呢款係18座秘製嘅醬，出面絕對食唔到。香濃嘅醬汁，加上具有油甘香嘅魚皮餃，絕對係Perfect match。
另外黑白炸丸煲炸得非常香口。黑係指貢丸。白係指墨魚丸。雖然好油，但係粒粒都就到脹卜卜非常美味。
雖然而家都已經貴過以前好多，兩個人叫咗咁多嘢食，仲有飲品先至係百幾蚊，作為宵夜真係一個好唔錯嘅選擇。❤️
張貼
