新籽田會館 (已結業)

之前黎呢棟樓食泰國野已bookmark左呢間餐廳！私隱度極高既餐廳，露台同包箱都比人包左，想私人聚會食中菜既朋友可意考慮下。講返食物，水準唔錯！桂花糯米藕好有特色既江南菜，熱食既前菜，蓮藕入面釀左糯米，再加上桂花醬，甜甜地，令人開胃既甜前菜！東坡肉雖然未去到入口即溶，配住塊包食一D都唔膩。獅子頭獅子頭放係獅子頭形既容器內😆，賣相相當可愛，咬落好軟腍又惹味。酸菜魚超大盤！選用既係桂花魚，無乜骨，寛粉吸哂湯既精華，好食又飽肚！清炒萵荀清清地既一道菜，每條萵荀都好爽脆！桂花酒釀丸子清香暖胃既甜品，丸子好煙韌，完美咁完結成餐飯。