影片
更多
2015-02-27
1401 瀏覽
今晚... 我純粹只是來食Buffet同聽演唱會的... 唱K? 無我份... 啩... 我已經計唔到自己有幾多年無踏足過卡拉ok, 今晚大家異口同聲話好似Back To School~樓下水牌又11樓又12樓, 去錯11樓, 好迷失... 原來12樓先有Buffet吧~1個價錢, 可由6pm唱到5am, 包K-Buffet及2杯飲品... 都幾抵玩嘅...今次係我人生第2次食K-Buffet, n年前果陣, 啱啱先開始有K-Buffet, 果時西式食物多d, 而家就中式食物多d, 同埋今晚的食物都幾多元化... 好唔好食係另外一回事... 去卡拉ok你只會見到人搶咪唔放, 今晚情況係推咪, 個個掛住出去拎o野食, 試過有歌無人唱, 笑鬼死...我只影了小部份食物, salad同炒粉麵同自助魚蛋粉果d我無食所以無相...出面又鮑魚仔又扇貝又開邊蝦(好似仲有蟶子), 都幾落本, 雖然每次只係出一盤, 1個人只可以拎1隻, 都算係咁啦... (That's why有K無人唱, 遲咗出去殼都無得你望)燒菠蘿甜甜地幾Juicy, 食完又食... 燒雞翼少少鹹, 已算係水準較正常之作... 中藥
今晚... 我純粹只是來食Buffet同聽演唱會的... 唱K? 無我份... 啩... 我已經計唔到自己有幾多年無踏足過卡拉ok, 今晚大家異口同聲話好似Back To School~樓下水牌又11樓又12樓, 去錯11樓, 好迷失... 原來12樓先有Buffet吧~
1個價錢, 可由6pm唱到5am, 包K-Buffet及2杯飲品... 都幾抵玩嘅...
今次係我人生第2次食K-Buffet, n年前果陣, 啱啱先開始有K-Buffet, 果時西式食物多d, 而家就中式食物多d, 同埋今晚的食物都幾多元化... 好唔好食係另外一回事...
去卡拉ok你只會見到人搶咪唔放, 今晚情況係推咪, 個個掛住出去拎o野食, 試過有歌無人唱, 笑鬼死...
我只影了小部份食物, salad同炒粉麵同自助魚蛋粉果d我無食所以無相...
出面又鮑魚仔又扇貝又開邊蝦(好似仲有蟶子), 都幾落本, 雖然每次只係出一盤, 1個人只可以拎1隻, 都算係咁啦... (That's why有K無人唱, 遲咗出去殼都無得你望)
燒菠蘿甜甜地幾Juicy, 食完又食... 燒雞翼少少鹹, 已算係水準較正常之作... 中藥材燉湯好苦, 感覺上好足料咁...
鴨胸係冷盤, 味道Not Bad, 只是出了水, 我腸胃弱, 有點驚... 炸雞塊同麥當當果d不相伯仲, 但放咗好耐, 有點凍...
炒菜就油咗d同鹹咗d...
甜品絕對絕對係唔掂!!! 朱古力Cake無朱古力味, 糯米滋得糯米, 芋頭水晶包無味, 芝士蛋糕較為正常, 芝士味可以更重...
燒豬仔脾好得, 甜甜的燒烤醬, 係中段時間貓兄見到幫我拎埋, 我再出去已經無喇... 蒜蓉粉絲蒸開邊蝦味道唔錯, 蝦都新鮮, 蒜蓉都香, 但太油, 食完成口油...
鹵水鵝脾都幾好味, 係鹹少少, 肉質唔會鬆散...
蒸扇貝無蒸蝦咁好味, 都ok過得去, 粉絲就唔係太入味... 同埋都係過油...葡式蛋撻仔餡料超勁甜, 個撻皮淋到韌, 1件夠...
四季豆唔掂, 好硬, 同埋無味...
焗蠔超唔掂, 唔新鮮, 朋友唔肯吞落肚, 話唔好味...
朱古力心太軟係我食過之中最差的!!! 蛋糕好硬, 又無朱古力味, 朱古力漿都無朱古力味果下先驚...
飲品名堂就跨啦啦喇, 實際只係好多好多糖溶係熱水中... 呢杯海底椰川貝無花果只係甜熱水, 3樣材料的味道係杯內搵唔到, 似臨尾先放落去...
呢班食力深不可測的餓鬼, 一路叫飽一路繼續食, 臨已仲飲酥皮湯, 有無再誇張d呀? 酥皮湯味道幾正常, 同埋2杯飲品係唔夠, 好口渴, 酥皮湯稀稀地可以當水飲...K-Buffet臨完場有職員通知, 我地又衝晒出去最後衝刺... 話實, 食物味道真係一般以下, 不過偶爾柴娃娃開心吓都唔錯...
食完的碟放枱底, 定期有人入來收... 感覺唔太衛生...
食到飽到嘔, 臨尾勉強唱咗幾首懷舊金曲... 離開校園後都好少聽歌, 唱歌更係少之又少...
11點幾12點離開Neway時, 見有大堆自由行連埋幾個細路等緊位, 咁夜仲來唱K? 定佢地只係打算係度宿一宵(瞓教), 連租酒店嘅錢都慳埋?P.S. 相中的腰果係我地行緊去NEWAY時, 見到好抵, 買定來過農曆年的, NEWAY無腰果提供~
張貼
