影片
更多
2011-10-10
80 瀏覽
早兩日去咗萬花紅食飯，未有時間飲杯公利蔗汁，趁今日去開中環，專程走來嘆一杯。除咗係舖面中間掛著嗰個黃色燈箱”龜苓膏”招牌外，公利一室都充滿老香港氣息，原來公利已經年過六十，超過半世紀。公利嘅舖位，係座落於一幢戰前唐樓嘅地下，自1948年開舖以來，一直留守於此，未曾搬過。舊樓樓底特別高，係舖嘅後半部，仲搭有一個閣仔，應該係前舖後居嘅格局；天花吊著一支一支嘅光管，並吊有一把吊扇，沒有刻意嘅修飾，但係就流露出一份老香港嘅情懷。牆身由頂至底都貼上米色和綠色夾雜嘅格仔紙皮石，地下則鋪咗白色六角形嘅紙皮石，一貫六、七十年代嘅典型裝修風格，依家要搵呢d裝修建材都好難，所以見公利嘅牆身和地磚d殘缺位置，都只可以搵d紅毛泥修補，更加添一份蒼桑感。係門口嘅右手邊，有”竹蔗總匯”四個字，下面就有一個入牆嘅燈箱，入面就貼咗一張已經披口嘅手畫海報，賣嘅係龜苓膏廣告，一家大細坐埋一齊，一人一盅龜苓膏，真係”老少咸宜”，呢張海報，絕對係七十年代嘅作品，如今，則成為好多遊人嘅拍照目標。門口嘅柜面，同門面一樣，雖然唔係雲石，但都係天然石材，當時，係一種普遍嘅做法，一來耐用，二來大體；係柜面嘅正面，則刻有”原庒竹蔗汁”五
除咗係舖面中間掛著嗰個黃色燈箱”龜苓膏”招牌外，公利一室都充滿老香港氣息，原來公利已經年過六十，超過半世紀。
公利嘅舖位，係座落於一幢戰前唐樓嘅地下，自1948年開舖以來，一直留守於此，未曾搬過。
舊樓樓底特別高，係舖嘅後半部，仲搭有一個閣仔，應該係前舖後居嘅格局；天花吊著一支一支嘅光管，並吊有一把吊扇，沒有刻意嘅修飾，但係就流露出一份老香港嘅情懷。
牆身由頂至底都貼上米色和綠色夾雜嘅格仔紙皮石，地下則鋪咗白色六角形嘅紙皮石，一貫六、七十年代嘅典型裝修風格，依家要搵呢d裝修建材都好難，所以見公利嘅牆身和地磚d殘缺位置，都只可以搵d紅毛泥修補，更加添一份蒼桑感。
係門口嘅右手邊，有”竹蔗總匯”四個字，下面就有一個入牆嘅燈箱，入面就貼咗一張已經披口嘅手畫海報，賣嘅係龜苓膏廣告，一家大細坐埋一齊，一人一盅龜苓膏，真係”老少咸宜”，呢張海報，絕對係七十年代嘅作品，如今，則成為好多遊人嘅拍照目標。
門口嘅柜面，同門面一樣，雖然唔係雲石，但都係天然石材，當時，係一種普遍嘅做法，一來耐用，二來大體；係柜面嘅正面，則刻有”原庒竹蔗汁”五個字，招牌上亦寫明”真料竹蔗水”，足以證明老闆對自己出品嘅信心，絕對係真材實料。
係舖頭嘅牆身，亦掛有一幅”茲將種竹蔗經驗及研究熬蔗水過程略述”及”竹蔗培鑑別法”，話說係公利嘅主人寫下，大意係話主人原本係新界屏山種植竹蔗，閒來煲竹蔗水俾家人飲用，但發覺竹蔗水不但清甜可口，更有醫療效益，所以開舖推廣；主人更舉出唔同肥料所種嘅竹蔗，質地、色澤、味道，皆有唔同之處，公利係不惜工本，用花生麱做肥料，所以公利嘅竹蔗係比其他涼茶舖優勝；屬實與否，恕我無從稽考，但從呢篇文章，則可以想像到公利嘅主人，並非一般農民，至少都係有識之士。
係呢幅文章對面，放咗一部榨汁機，唔好睇佢好似好新淨，原來佢嘅歷史，同舖頭嘅歷史都差不多咁長，只係由於老闆每日嘅悉心打理，才會有咁新淨嘅感覺。
原來d蔗並唔係就咁放落去部榨汁機就得，老闆每日都要將d蔗去皮，再攞去煲，煲完先可以攞去榨汁，呢杯就係公利嘅竹蔗汁。至於竹蔗水，則用竹蔗、茅根，再加少許陳年果皮去煲水，亦冇加糖，冇加色，味道當然比竹蔗汁淡。
今日就要咗一杯冰凍嘅竹蔗汁，凍，但係唔算冰，只係涼，色澤係一貫嘅青色，看似混濁，但入口清甜、潤滑，亦好自然，絕對係冇添加任何糖水或色素，但總係覺得甜得有點過份。
$9一杯，唔算貴，雖然有d甜，但亦應支持吓，否則，再難搵到d咁原汁原味嘅老字號。
張貼
