牛涮鍋 (已搬遷) 新店位置

今日放工就好想去打邊爐，加上約左8點係荃灣廣場睇戲，就好想快快打個日式火鍋。幸好，同行友人一早到達拎左位、開定爐，我一去到就有得食，正!! 是日叫左昆布同麻辣鴛鴦湯底，有辣有唔辣，任君選擇。牛肉幾新鮮，豚肉片亦都唔錯，全部切得夠薄，彈指間即熟，爽!!值得一提係附送的雞件十分鮮嫩多汁，即使淥耐左亦不覺韌，讚!! 其他食材選擇則較少，菜類只有生菜、娃娃菜等幾種，丸類只有魚蛋、芝士腸、芝士丸幾款，但都有我心愛的芋絲補番數啦。飯後甜品則有乳酪雪糕，可以自由加入各種配料和朱古力，好!! 侍應十分有禮和勤力，加料加湯反應很快，個半小時用餐時間不會浪費。