彩龍皇宮大酒樓

營業中

休息中

今晚隨意去朋友樓下間酒樓食晚飯，今日唔同往日，舊時酒樓晚夜一定坐滿人，今日去到坐滿2/3 既枱，不禁令人擔心香港酒樓既前景。一睇餐單，一至四118蚊3道小菜，都幾抵食。同時又可以叫晚市孖寶個d,計返落每人100蚊左右，幾年前去其他酒樓食晚飯都佢200一個頭。除左去飲,其實好少去酒樓食飯。本身都冇乜期待，但食落去d 野都算唔錯，對得起個價錢有餘。燒雞雞皮夠脆，雞脾位肉夠滑。芝士海蝦伊面芝士味如果再濃d 會更好，海蝦都有蝦味，d 肉唔會梅。龍蝦伊面d 龍蝦冇乜肉，但俾200蚊，都係預期之內。平日咁食法，菜色多樣，好過屋企煮飯，起碼唔使自己洗碗。