影片
更多
2007-04-28
17 瀏覽
入來長洲行大運，就做定功課來搵食。得到各位忠實食家俾既tips，午餐好滿意，請參閱Morocco's。來呢間食海鮮都係看到各位的笑臉而來。很很很後悔沒有看清楚，叫得聖子的都話難食。我就係叫了xo醬炒聖子。碟聖子好細，數埋有十幾隻既，隻隻好似半隻指頭咁長....... 肉同殼全部分開所以數得咁清楚。xo醬即係xo"獻"，聖子老到不得了，un到咬唔到咁制，每一隻都有砂.... 呢碟應該叫xo獻汁"繪"橡筋聖子沙粒，絕對唔係炒。個椒鹽瀨尿蝦係跟餐的，隔離台話ok就叫佢啦，其實還可以揀炒蜆。個瀨尿蝦... 好好味...，因為好多好多味精呀，佢用外面濃烈的味道企圖將唔新鮮、近乎或者已經霉左既蝦遮蓋。這個還可以入口。椒絲腐乳通菜，最正常不過。呢度就係三個餸既餐，九十八蚊，不包白飯，無湯無飲品，唔計個咁劣既聖子應該抵既。因為唔夠就想叫多樣薑蔥炒蟹，因為之前隔離台話ok。否則點敢亂試。> <"個蟹拍得住聖子，炒親都無好野。等左二十分鐘，終於有得食，成碟得一隻半三點蟹，夠邊個食？諗住我地兩個人就俾少d？明明見剛剛隔離台碟頭很大啊!! 不想想太多，食吧啦。拎起蟹腳，凍既？？？？望下個汁，有
來呢間食海鮮都係看到各位的笑臉而來。很很很後悔沒有看清楚，叫得聖子的都話難食。我就係叫了xo醬炒聖子。碟聖子好細，數埋有十幾隻既，隻隻好似半隻指頭咁長....... 肉同殼全部分開所以數得咁清楚。xo醬即係xo"獻"，聖子老到不得了，un到咬唔到咁制，每一隻都有砂.... 呢碟應該叫xo獻汁"繪"橡筋聖子沙粒，絕對唔係炒。
個椒鹽瀨尿蝦係跟餐的，隔離台話ok就叫佢啦，其實還可以揀炒蜆。個瀨尿蝦... 好好味...，因為好多好多味精呀，佢用外面濃烈的味道企圖將唔新鮮、近乎或者已經霉左既蝦遮蓋。這個還可以入口。
椒絲腐乳通菜，最正常不過。
呢度就係三個餸既餐，九十八蚊，不包白飯，無湯無飲品，唔計個咁劣既聖子應該抵既。
因為唔夠就想叫多樣薑蔥炒蟹，因為之前隔離台話ok。否則點敢亂試。> <"
個蟹拍得住聖子，炒親都無好野。等左二十分鐘，終於有得食，成碟得一隻半三點蟹，夠邊個食？諗住我地兩個人就俾少d？明明見剛剛隔離台碟頭很大啊!!
不想想太多，食吧啦。拎起蟹腳，凍既？？？？望下個汁，有煙出喎，再摸其他蟹部份，都係凍既，一‧d‧暖‧氣‧都‧無，d蟹係熟既，整熟左，有客order先落鍋炒好正常，但我相信佢無炒過囉，只將d"獻"汁倒係蟹面就算，真係好無品德。有炒過點可能係完全凍？？點知d蟹放左幾耐呀。
侍應姐姐摸過，話再炒過啦。之前已經等左廿分鐘為碟蟹，再炒還要等幾耐呢？侍應姐姐之前話因為有兩台大台客所以要等咁耐，好，咁干脆唔要呢碟啦，因為等，我地剩返半個鐘就要上船。如果又要等廿分鐘先有得食，咪得返十分鐘食？點食呀？
侍應姐姐話：呢碟野，容乜易者，我十分鐘就食晒佢啦。我話：姐姐，乜你食蟹唔洗"lur"骨架？
十分鐘可以食晒一碟蟹咪因為碟蟹偷工減料左囉。什麼態度!!
進食其間有一隻大曱曱係隔離台行過，嚇死人....
如果呢間好味，咁其他海鮮菜館咪好難食囉？呢間舖頭太缺德。
張貼