影片
更多
2023-10-09
352 瀏覽
今晚同朋友去試吓啲傳統粵菜，係一間位於長沙灣的樓上鋪，位置十分方便，係長沙灣港鐵站A3出口附近，穿過元州邨向山方向再行大約5分鐘就到，門口裝修好有心思，好有地道港式舊式酒樓格局，不是一般行貨門面，有條樓梯行上一樓。上到一樓，一望過去，整體空間感幾好，光線充足，有種簡單乾淨的感覺。我和朋友座係餐廳中間的位置，但都唔覺擠迫，坐得幾舒服。一坐低就比左一小碟餐前開胃小食，麻辣雲耳豆角，小小麻辣幾開胃。 之前上網睇過呢間野啲晚飯海鮮價格相宜，質素又唔錯，便和朋友試吓叫海鮮。佢晚市(我同朋友係平日夜晚去)有晚市超值孖寶，$218就可以叫到一款海鮮同一款小菜，左右各一款自由配搭。食物好多選擇好多，小菜、海鮮、燒味、套餐等等。因為朋友唔太食得辣，我同朋友叫左一份蒜蓉粉絲開邊蝦同一份蜜汁叉燒皇，另外叫左4隻蒜蓉粉絲蒸元貝($38元一隻，應該係是日海鮮特價)，一份魚湯浸勝瓜，另外叫左兩碗白飯。 蒜蓉粉絲開邊蝦佢係用中蝦做，刀工有心思，師父將每隻蝦都一分為二但係唔斷開，並將蝦尾向上放蝦肉向下兩邊放，一列排開的蝦一看就令人食指大動。味道方面，佢蝦夠新鮮，個甜鼓油汁同蒜蓉味好夾，加埋粉絲墊底吸曬啲蝦汁，成件事令
上到一樓，一望過去，整體空間感幾好，光線充足，有種簡單乾淨的感覺。我和朋友座係餐廳中間的位置，但都唔覺擠迫，坐得幾舒服。
一坐低就比左一小碟餐前開胃小食，麻辣雲耳豆角，小小麻辣幾開胃。
之前上網睇過呢間野啲晚飯海鮮價格相宜，質素又唔錯，便和朋友試吓叫海鮮。佢晚市(我同朋友係平日夜晚去)有晚市超值孖寶，$218就可以叫到一款海鮮同一款小菜，左右各一款自由配搭。食物好多選擇好多，小菜、海鮮、燒味、套餐等等。因為朋友唔太食得辣，我同朋友叫左一份蒜蓉粉絲開邊蝦同一份蜜汁叉燒皇，另外叫左4隻蒜蓉粉絲蒸元貝($38元一隻，應該係是日海鮮特價)，一份魚湯浸勝瓜，另外叫左兩碗白飯。
蒜蓉粉絲開邊蝦
佢係用中蝦做，刀工有心思，師父將每隻蝦都一分為二但係唔斷開，並將蝦尾向上放蝦肉向下兩邊放，一列排開的蝦一看就令人食指大動。味道方面，佢蝦夠新鮮，個甜鼓油汁同蒜蓉味好夾，加埋粉絲墊底吸曬啲蝦汁，成件事令整隻蝦更好食，就連粉絲也非常入味，食到差啲連蝦殼都想食埋，當然食嚟餸飯就一流啦。
蒜蓉粉絲蒸元貝
我地叫了四隻，元貝鮮味夠而且蒸得啱啱好唔會韌，個汁同蒜蓉味好夾並帶出左元貝的鮮味，再加上粉絲墊底吸曬啲元貝鮮味，成件事好夾。
蜜汁叉燒皇
叉燒嫩滑多汁，味道濃郁微咸，個汁的濃厚度同叉燒好夾，唔會話令到叉燒入口有油膩感覺，好食。
魚湯浸勝瓜
佢係魚湯但完全沒有魚的腥味，勝瓜切得大細啱啱好易入口亦都煮得夠淋會太硬。
以上四樣野食兩個人食到好飽，餐廳仲有糖水送，當晚係綠豆沙，甜度適中而且唔會大厚身，起到一點消滯作用。
餐廳每款菜式份量，食材比其他食店更足更多，仲有好多野食想試，留返下次再去過。
張貼
