Three on Canton

呢排工作好煩忙，見呢日有時間放鬆下，就決定獎勵一下自己，同男友去港威酒店嘅 「Three on Canton」食自助晚餐嘆一下！冷盤前菜區有各式沙律、芝士、切肉、同日式冷盤，選擇都好足夠！冰鎮海鮮有蟹腳、龍蝦、扇貝同青口，款式唔算太多但質素幾好！蟹腳大大枝又啖啖肉，龍蝦膏多肉質彈牙，扇貝都幾鮮甜，整體新鮮度唔錯！熱葷區有燒牛肉、羊架、脆皮燒腩、韓式炸雞、印度咖喱等。燒牛肉切得厚薄適中，肉味夠濃；燒腩皮脆肉嫩，唔會太油；羊架冇羶味，熟度啱啱好，正！甜品有多款蛋糕、奶凍、涼粉同Häagen-Dazs雪糕。蛋糕造型都幾靚又唔會太甜，奶凍夠滑身！ 整體嚟講，「Three on Canton」嘅自助晚餐質素穩定，食材新鮮，環境舒服，味道唔錯，進食氣氛輕鬆，服務都幾好。作為平日想獎勵下自己，呢餐都算食得幾開心！