阿爺八鮮鍋 (已結業)

今次又係阿爺八鮮鍋！上次試過佢地啲海鮮超新鮮，今次又同朋友再黎一次～～ 佢哋主打海鮮+雞煲放題 三百幾蚊就可以任食海鮮勁抵！ 📍個雞煲未黎之前，餐廳先送一壺燉湯，個燉湯好鮮甜！📍跟住就係餐前小食：炸芝士條同蒜香小龍蝦～📍刺身拼盤：拼盤有海立魚刺身/日本甜蝦同炙燒左口魚，左口魚好香魚油味滿滿～～～📍雞煲我地叫左唔辣，入面有勁多蒜頭大蔥同九層塔調味夠哂惹味！雞件啖啖肉正呀夠哂入味～～📍超級海鮮盒超級海鮮盒入面有龍蝦鮑魚同埋扇貝，全部都郁架勁新鮮！鮑魚肉質飽滿～龍蝦肉彈牙鮮甜 📍火鍋：我地叫左清湯湯底，因為咁先可以試到海鮮鮮味架ma! 話明海鮮鍋，佢地有好多唔同款海鮮可以比你任食，鮑魚蟶子生蠔花白魚片青口 當中當然最推薦鮑魚同蟶子，勁鮮甜！鮑魚黎到仲郁緊架～～其次生蠔同沙白都正～～最後，打邊爐點都要叫牛肉，佢哋個牛小排係手切，牛肉好瘦脂肪比較少，但牛味依然好濃