咖啡亭 (已結業)

我同男朋友於情人節前,見咖啡亭openrice食評都好好,我地又鍾意食海鮮,所以慳錢提早慶祝情人節.首先雖然餐廳座位唔多,地方細,但食物都多,我地重質不重量既.我地一開始就攞至愛海鮮,生蠔係即開,每人每次限取3隻,細細隻,好鮮甜,有少少海水味,我地食咗15隻,全部水準都好好,非常滿足.我地食咗好多長腳蟹,龍蝦仔,翡翠螺,真係好新鮮,肉質鮮甜,完全冇雪氣味,so good.至於即切剌身同壽司就味道一般,款式唔多.冷盤沙律有好多款配搭,雖然份量少,但勝在水準高,我推介芒果三文魚沙律,正!熱盤有鱈魚,細細件但煎得好滑,我地食咗7件焗蠔就普通,我地都係鍾意食生蠔.燒羊架肉質好嫩,一啲都唔"酥"不過豉椒鮑魚就有啲怪,雖然煮得好淋,但味道唔夾,都係蠔汁煮會好啲.最後到甜品,我地鍾意葡撻,軟雪糕,其他甜品細細件,一口一件,唔浪費,但味道唔算特別.其實仲有好多食物未食,但時間得2個鐘(6pm-8pm),仲有汽水任飲同包一杯飲品,已經好飽食唔到,唯有下次再去啦!