林洪記

營業中

休息中

朋友生日網上book咗8點任食蒸氣火鍋，本身早咗到等一陣ok，但係8點個陣過去問阿姐淨係俾咗張飛叫我地等下先，同佢講我地book咗位點解仲要等，淨係識答我多人忙襯。最後等到9點先有位，如果唔係網上book咗比晒錢我地早就走咗。終於坐底咗，仲要等半個鐘個海鮮拼盤先送到。都知佢叫餸上得慢，特登食到一半就叫定打邊爐啲嘢食，點知食完等咗廿分鐘都未有嘢到，嗰阿姐連個爐嘅火都熄埋，催咗幾次最後發現原來張落單紙唔見咗，阿姐就咁見我地再寫過張，一啲唔好意思都冇。最後任食先叫得兩輪嘢食，仲要最後個輪啲嘢食都冇到齊，啲夥計趕住收工。嘢食服務差都算，仲要冇分吸煙同非吸煙區，成餐飯係咁食緊隔嚟枱啲二手煙，環境非常差。完全理解唔到點解咁多人食，咁多好評，一定唔會再幫襯，俾錢買難受。