戀上台式料理 (已結業)

今日同男朋友去開將軍澳睇戲，睇完戲之後就順便行咗去海濱公園嗰頭散吓步。行行吓開始肚餓，咁啱就見到呢一間台式料理，見佢門面都幾靚，所以入去試吓。因為實在太肚餓，所以即刻就落咗個蚵仔煎同埋燒牛肉拼盤。後尾先醒起要食個菜同埋加個飯。個蚵仔煎好快就嚟咗，蠔仔嘅數量好多亦都好飽滿，完全冇洗乾淨嘅腥味。而佢薯粉亦都唔會太黏，食起上嚟口感剛剛好，配上必須嘅甜辣醬真係一流。然後個滷肉菜心就到咗。好明顯食得出唔係白烚完，就咁將啲嘢倒埋一齊，因為個菜唔會好水。配上滷肉嘅鹹味，真係好唔錯。我男朋友唔鍾意食菜都係咁食。白飯就普普通通，份量正常。最後就係燒牛肉拼盤。一開始我哋都喺度估會唔會喺入邊燒完拎出嚟，點知原來係喺枱燒！職員攞咗個鐵爐出嚟點火，然之後就可以擺啲牛肉上去燒。自己燒最好嘅就可以控制牛肉熟嘅程度，又可以消得焦香啲。佢個牛肉有簡單基本調味，包括鹽同黑椒。而佢亦都額外有比到一個醬可以燒嗰陣搽上去牛肉上面。牛肉好嫩滑，燒起上嚟唔會有水標出嚟。口感亦都10分好，唔會好韌。本身唔落醬都食到牛肉嘅味道，加咗醬之後更加惹味。牛肉拼盤嘅份量亦都好夠，唔係每樣得兩三舊。一路食牛肉一路配白飯真係絕配。總括嚟講用餐經驗