龍門海鮮酒家

營業中

休息中

鯉魚門一向出名食海鮮，特登一行7人黎同朋友踐行。坐係海傍，日落黃昏，份外依依不捨。但既然黎到，當然就先將一切拋諸腦後，食完再算 象拔蚌兩食，有刺身同火鍋白灼，幾爽口。刺身點wasabi，鮮味十足，白灼就較爽口。大大粒帶子，鮮甜又充滿蒜香，略嫌油左D。辣得黎唔係好香。花螺唔係好入味。避風塘炒瀨尿蝦，蝦肉炒得恰到好處，又嫩又甜，避風塘亦惹味。花雕蛋白蒸蟹。成餐飯至愛li道。一啖蛋白放入口，洋溢一陣酒香，蛋白蒸得好滑。清蒸保留左蟹既鮮味，蟹肉鮮嫩清甜，夾雜點點酒香， 一個字，正！咕嚕肉都可以，但不及海鮮做得出色。飯後每人送上半個木瓜，清清油膩。曲終人散，不過至少餐飯留低比我地一個美好既回憶。