星小宴

營業中

休息中

天氣凍凍地食雞煲係首選，海風伴隨食雞煲+火鍋更添浪漫。雲雲海濱餐廳，揀到呢間屯門黃金海岸星小宴，因為被他的炭爐雞煲吸引到。望一望四圍環境先，室內有雅座，室外座位有360度海景，可帶寵物添，服務到位，先奉上熱茶熱水各一壼，和一份餐前小食，熱下身和解下口饞先。雞煲上陣前先擺上炭爐，炭火已預先透著，免去煙火彌漫的現象。雞煲加煮10分鐘已經散發出香味，配料仲有大蒜香蔥等，雞件好入味，嫩滑多汁，夠曬香口，食得過癮。食完雞煲，職員加上湯再煮滾，便開始進入下一個環節：火鍋。經過雞煲的重口味洗禮，火鍋配料要求清淡一些，揀左：鴨血、豆卜、蟹柳條、生菜等，份量適中，鴨血好嫩滑又不失口感，生菜吸收湯汁，熱辣辣振奮醒神。意豫未盡，來多碟手切肥牛，放入熱湯輕輕滾下就食得，不能滾太耐以保持肉質鮮嫩口感，吃落有牛肉味，嚼勁十足，需不是最上剩，但也不過不失。食飯完飲杯熱茶，消滯解渴對住個海吹下海風好寫意。