影片
更多
2022-11-13
48 瀏覽
呢間酒吧餐廳係觀塘Moo Moo Burger🍔嘅分店，食物保持水準同抵食！佢位於銅鑼灣海旁，環境闊落，有室外同室內座位，仲分咗酒吧區、兩個用餐區同埋VIP房，現代工業裝修，主打漢堡包，安格斯牛肉同埋青口！宜家三點打後，就可以叫佢超抵食青口放題，食住青口飲杯cocktail🥂，吹住海風咁吹水，好有vibe夠曬chill！------------------------------🦪◖90分鐘無限任食青口◗ $250/p.p.佢有有三隻味任揀：▪︎ 經典白酒忌廉▪︎ 龍蝦湯▪︎ 喇沙個人鍾意龍蝦湯>白酒忌廉>喇沙，青口鮮甜肥美，幾抵食！佢個龍蝦湯醬汁比較濃，有少少蕃茄🍅嘅味道，龍蝦湯好有鮮味，但又唔會搶晒青口啲味！白酒忌廉比較常見嘅口味，但白酒嘅酒香同青口嘅海水味，真係配合得好好🥰喇沙呢隻味其實幾特別，識落有少少似冬蔭功嘅味，但呢碟嘅醬汁偏淡，青口肉唔太掛汁！Overall嚟講，佢啲青口唔係特別大隻，但食落都鮮嫩多汁，勝在任食同埋有三隻口味，性價比真係好高！🍟◖任食薯條◗ +$30/p.p.唔想淨係食青口，可以+$30任食薯條，佢啲薯條都值得一讚，係有啲似扭扭薯條嗰隻味，食落熱
------------------------------
🦪◖90分鐘無限任食青口◗ $250/p.p.佢有有三隻味任揀：
▪︎ 經典白酒忌廉
▪︎ 龍蝦湯
▪︎ 喇沙
個人鍾意龍蝦湯>白酒忌廉>喇沙，青口鮮甜肥美，幾抵食！佢個龍蝦湯醬汁比較濃，有少少蕃茄🍅嘅味道，龍蝦湯好有鮮味，但又唔會搶晒青口啲味！白酒忌廉比較常見嘅口味，但白酒嘅酒香同青口嘅海水味，真係配合得好好🥰喇沙呢隻味其實幾特別，識落有少少似冬蔭功嘅味，但呢碟嘅醬汁偏淡，青口肉唔太掛汁！Overall嚟講，佢啲青口唔係特別大隻，但食落都鮮嫩多汁，勝在任食同埋有三隻口味，性價比真係好高！
🍟◖任食薯條◗ +$30/p.p.
唔想淨係食青口，可以+$30任食薯條，佢啲薯條都值得一讚，係有啲似扭扭薯條嗰隻味，食落熱辣辣、香脆得黎又帶少少辣！
🍋◖Pear Lime Cinnamon◗ $68
偏淡口嘅mocktail，淡淡嘅梨香同檸檬，酸酸地，幾開胃幾清新～
🍑◖White Peach Earl Grey◗ $68
佢係有氣嘅無糖白桃水，桃味好香，茶底味道好出，飲落有啲似無糖嘅有氣白桃紅茶！
🌟Encore指數：9/10
張貼
