小野人 (MONTEREY Place)

營業中

休息中

餐廳走簡潔風裝修，用餐氣氛熱鬧座位頗為舒適。餐廳以台式串燒作主打，每枱一個小爐為串燒保溫，餐具等都有特色設計，幾可愛❤️當晚點的串燒及小食都十分出色，上枱時已經可以即食，仍然熱辣辣👍🏻孜然及獨特嘅調味令每串串燒拎出嚟已經香味四溢，惹味之餘不會太鹹口。串燒如果冇特別備注，好似普遍都會帶微辣，令串燒味道更加昇華，完全停不了口 😋烤肉串嘅質素尤其出色，肉質食得出不錯，推薦款✨ 烤牛舌、烤黑豚五花、烤小牛肉 另外都試左兩款海鮮 🦪🤤芝士/蒜蓉烤生蠔 不算好大隻但新鮮，推薦蒜蓉味更鮮甜👍🏻蒜蓉粉絲扇貝❤️❤️❤️ 必點！ 極好食 😋黑松露芝士撈丁嘅松露醬一啲都冇手軟，大大一匙係面，撈埋芝士一齊超香口，味道濃郁豐富，好邪惡但好上癮！不過可能松露醬加上芝士鹹香太偏重，食多幾啖會有d偏鹹，唔想太重口味撈時松露醬可以撈少一D 🙊另外一款小食墨西哥烤玉米加埋芝士粉喺面，鹹甜鹹甜嘅口味好過癮，配搭好夾，好食 😋最後點了麻吉年糕燒作為甜點總結，年糕外層燒到脆身，內面軟糯帶米香，口感煙煙韌韌，再加上少許糖同煉奶，成餐飯好滿足 ❤️❤️❤️食物質素高，環境唔錯，係會回顧嘅餐廳之一 🥰