亞參雞飯 (新都城中心二期)

營業中

休息中

喺寶琳食飯，都離唔開商場嘅餐廳今次就試一間新開嘅亞參雞飯睇返原來分店都唔少，不過自己就係第一次試因為選擇困難症發作，唔想諗食咩，就直接叫佢哋嘅二人餐，$288有前菜、半隻海南雞、炒通菜、紅茄牛骨煲、白飯、飲品，唔太大食嘅話3個人都可以。由於家人唔食辣，前菜揀咗娘惹沙律（另一款涼拌前菜係辣嘅），有好多醬，偏甜，自己就覺得一般。主打嘅無骨海南雞唔錯，肉質嫩滑，想食海南雞的話會再嚟。紅茄牛骨煲都幾大份，茄味唔重，下次應該會試第二樣。