咖吔

營業中

休息中

在東港城搵食，見到好耐冇食嘅咖哋，唸起佢地香滑味美嘅海南雞，就進入開餐啦。坐於寬闊舒適的卡位上，慢慢品嘗美食😙。海南雞飯拼喇沙米線，加錢（$15）轉髀位，一個套餐有齊我喜歡的食物，好讚啊。雞皮香滑不肥，冇骨的髀位幼滑，點埋醬汁更加惹味。喇沙雖則細細碗，但湯味香濃，米粉併幼麵又好爽滑，十分足料有齊蝦、魚片、豆卜同半隻蛋。老友同樣點了海南雞飯但併肉骨茶，再加錢（$15）轉髀位。佢嘅肉骨茶好清甜，有啲胡椒香味，舊骨好大舊下又易咬，內裏仲有豬肚添架。簡單味美又一餐。