Cube O - Journey with Seajellies (已結業)

今晚嚟到間好浪漫嘅餐廳🥰 因為可以同水母一齊食飯呀～ 一入去已經覺得好震撼，有咁多水母圍住我。打卡都有排打。雖然只係閒日，但都滿座，所以記得訂位。嘢食都係以fusion,西餐為主，價錢唔平，不過係主題餐廳，收貴啲都合理。火腿拼盤（$198）- 有四款火腿同橄欖，整體偏鹹，如果配埋芝士、麵包或蜜瓜應該會更夾同豐富。西班牙紅蝦三文魚子意大利飯（$298）- 脆卜卜嘅三文魚子同煙韌嘅risotto原來係咁夾，而隻紅蝦大隻又爽口，但得一隻真係有啲小🤣忌廉冬蔭功海蝦意大利麵（$248）- 冬蔭功味好得，而意粉都煮得啱啱好，彈牙又爽滑。海鮮有大蝦、蜆肉、青口同魷魚，都幾多元化。