影片
更多
2019-08-28
77 瀏覽
今晚同男朋友拍拖兩周年🥰佢神神秘秘咁話放工喺尖沙咀等，又唔肯話俾我聽食邊間餐廳，結果原來帶我去食呢間Amina😍😍上到流尚坊8f一入到去就覺得氣氛好好，播住細細聲嘅音樂，地方唔大只有幾張枱，但每張枱都有足夠嘅空間，啱晒情侶傾計1.自家製麵包配特式醬一共有四款麵包🥯包括南瓜麵包、朱古力麵包、香草麵包同麵包條，全部都微熱，好新鮮麵包條好香脆，我同男朋友一人一條食哂我自己最中意香草味，加埋佢嘅smoked butter好香好滑其他我地只試左兩啖，唔想一陣太飽食唔落🤪唔夠食可以refill的2.青蘋果密瓜冷湯佐谷巴火腿脆片作為餐前小食，火腿脆片好香口，杯小飲品味道清新，同火腿脆片好夾3.火腿拼盤同頭先嘅火腿隨便比較當然呢款係軟身啲同埋有口感啲，有較重嘅油味，火腿味濃郁！我當然比較中意呢款多d😝4.白蘆筍冷盤 佐青蘿蔔、柚子凍及三色海藻冷盤有乾冰喺個底，賣相好吸精，影相一流！有自動味道清新，只係微微甜味🍾配上Cantine Riondo Castelforte Pinot Grigio Doc 2018 比較薄身順滑，唔酸，唔會蓋過蘆筍味5.接骨木花風味漬帶子 紅蕎麥飛魚卵個帶子入口即溶，好味！
佢神神秘秘咁話放工喺尖沙咀等，又唔肯話俾我聽食邊間餐廳，結果原來帶我去食呢間Amina😍😍
上到流尚坊8f一入到去就覺得氣氛好好，播住細細聲嘅音樂，地方唔大只有幾張枱，但每張枱都有足夠嘅空間，啱晒情侶傾計
1.自家製麵包配特式醬
一共有四款麵包🥯包括南瓜麵包、朱古力麵包、香草麵包同麵包條，全部都微熱，好新鮮
麵包條好香脆，我同男朋友一人一條食哂
我自己最中意香草味，加埋佢嘅smoked butter好香好滑
其他我地只試左兩啖，唔想一陣太飽食唔落🤪
唔夠食可以refill的
2.青蘋果密瓜冷湯佐谷巴火腿脆片
作為餐前小食，火腿脆片好香口，杯小飲品味道清新，同火腿脆片好夾
3.火腿拼盤
同頭先嘅火腿隨便比較當然呢款係軟身啲同埋有口感啲，有較重嘅油味，火腿味濃郁！我當然比較中意呢款多d😝
4.白蘆筍冷盤 佐青蘿蔔、柚子凍及三色海藻
冷盤有乾冰喺個底，賣相好吸精，影相一流！
有自動味道清新，只係微微甜味
🍾配上Cantine Riondo Castelforte Pinot Grigio Doc 2018 比較薄身順滑，唔酸，唔會蓋過蘆筍味
5.接骨木花風味漬帶子 紅蕎麥飛魚卵
個帶子入口即溶，好味！估唔到配搭個飛魚卵一齊食味道更上一層樓，酸酸甜甜咁
🍾配上William Fevre Petit Chablis 2016 味道偏淡適合女仔飲 更加帶出帶子嘅鮮味
6.法式龍蝦湯配鹹火腿餃子 龍蝦慕絲茴香薄脆
係我飲過最濃郁嘅龍蝦湯，口感好厚，好似有好多隻龍蝦嘅精華咁
🍾配上Parker Coonawarra Estate Favourite Son Chardonnary 2017 淡淡花香，配龍蝦湯口感好fresh
7.香煎法國鵝肝配鵪鶉溫泉蛋 佐白豆蔻風味奶泡
鵝肝煎得非常好，外面好香，入面鎖住鵝肝嘅汁嘅，好想加一件多士😂😂豆蔻風味奶泡正正減低鵝肝嘅油膩感
🍾Chateau Haut Gaussens 2016 重單寧味、可以帶走口腔入面嘅肥膩感
8.松露野菌球佐水牛乳酪 龍蒿蛋黃醬
呢碟菜好考功夫，外面個球係脆，切開入面係水牛乳酪同埋黑松露
🍾Blanc De Chasse Spleen 2016
9.芭樂雪芭 配鮮紅石榴及泡沫 洋蔥苗
食呢個雪芭清一清口腔嘅味道就可以食主菜了
10.炭燒澳洲M7和牛
睇張相都知好美味，食落好香口
11.橙香雪糕
超濃郁嘅香橙味，蛋糕好鬆軟
🍾La Spinetta Moscato D’Asto Bricco Quaglia 2017
呢支係我最中意嘅，好好飲，又甜又易入口
張貼
