就是偏偏喜歡你 (已搬遷) 新店位置

店名：就是偏偏喜歡你地址：銅鑼灣耀華街3號百樂中心16樓1602-1603號舖上網睇到依間花花餐廳好靚，今次同另一半專程黎朝聖😍😍打卡影相食野一流👍👍無論係食物同環境都好靚，岩晒鍾意影相既你吖🤗🤗今次同另一半就散叫咗兩份主食，一杯野飲，分別係香草忌廉三文魚意粉，菠蘿照燒雞黑漢堡。香草忌廉煙三文魚意粉 $168香草忌廉夠晒開胃，意粉煮得好好味，加埋兩塊大大既三文魚，真係食過返尋味，好食到停唔到口，連我bb都嗌好！菠蘿照燒雞黑漢堡 $148加配薯條 $22薯條係即炸，仲好新鮮好熱辣辣，夠晒脆！而菠蘿照燒雞黑漢堡都無得輸，本身都鍾意食菠蘿，覺得甜甜地解到燒雞既膩滯感，配搭起上黎好夾！！😋😋連埋黑漢堡，好特別，無論係份量定係味道，都控制得相當好，有水準！👍黃昏桃桃梳打 $58桃桃梳打杯野好靚，有夏威夷感覺，用黎打卡亦都係一流，配埋餐廳環境，真係隨手影都可以影到d相好靚，唔洗驚另一半影得差呀😆👍。