紅豆烘焙 (寶靈街)

營業中

休息中

星期日我特登出去佐敦買呢個法式麵包布甸，睇左好多ig foodie 介紹呢間傳統麵包店所賣的法式麵包布甸，係法式豬仔包中間挖成空心，再加布甸醬烤成，要整得靚同好食，好考功夫，呢間烤得真係好靚，同埋除左原味仲有朱古力味同紫薯味，甜度適中。每日四點新鮮出爐一出爐就開始見到人龍，可以趁熱食或者買返屋企烘熱食，我個人中意拎返屋企烘脆個包先食👍凍食個包應該係有少少煙煙韌韌，加埋布甸又係另一個口感，相對會較甜。味道非常驚喜，我用光波爐烘左四分鐘，麵包變得很香脆，中間布甸很流心有朱古力奶味道，撕開麵包點朱古力醬，超好味！！另外紫薯味同原味雪左一日我先烘熱食，烘了三分鐘，唔會好似朱古力味流晒啲醬出來，食得比較方便，外皮很脆，原味好有蛋香，紫薯味都好重紫薯味，勁多餡，中間仲有少少凍，有冰火二重感覺，連埋麵包食唔算好甜，十五蚊一件好過自己整。