影片
更多
2013-07-12
420 瀏覽
有乜野比大熱天時可以一入舖頭就飲到杯透心涼既冰水更窩心？可能店家知道九如坊係幾咁隔涉，所以一坐低乜都唔好講住，先比個啱啱喺雪櫃拎出黎既水杯整杯冰水你降溫先，超正！Menu方面，講就講有6個唔同既餐，其實講到尾大同少異，只係喺配菜度有D分別，好似2/4塊叉燒同埋加唔加蛋。貪心既我為左乜都想試，就叫左個乜都包齊晒（4塊叉燒同埋2舊糖心蛋）既No. 1 拉麵。拉麵唔駛10分鐘就到，首先試左啖湯，豬骨味道十分濃郁，除左豬骨之外重飲到大地魚既味道，兩者互相配合，唔會搶左對方之餘，亦都唔會過份側重某一面。至於配料好似葱花、露荀同埋其他蔬菜，煮到好腍、好易入口但keep到應有既爽口感覺！叉燒表面應該有烤過，有少少燒焦既口感之餘卻不失juicy既質感，非常爽口，一D「鞋sap sap」既感覺都冇。同市面上大部份既叉燒一樣，肥瘦比例剛好一半一半，一啖咬落去啱啱半肥瘦超正！麵質方面相對冇乜特別，但係都食得出同其他餐廳既麵質、口感略有不同，應該都係自家制既產物，「煙煙un un」之餘又不失爽口既感覺！糖心蛋方面就一般啦，蛋黃總算做到真正既糖心，火路剛剛好之餘隻蛋唔會因為太熟無左「流心」但又無過生「半生熟」咁
Menu方面，講就講有6個唔同既餐，其實講到尾大同少異，只係喺配菜度有D分別，好似2/4塊叉燒同埋加唔加蛋。貪心既我為左乜都想試，就叫左個乜都包齊晒（4塊叉燒同埋2舊糖心蛋）既No. 1 拉麵。
拉麵唔駛10分鐘就到，首先試左啖湯，豬骨味道十分濃郁，除左豬骨之外重飲到大地魚既味道，兩者互相配合，唔會搶左對方之餘，亦都唔會過份側重某一面。至於配料好似葱花、露荀同埋其他蔬菜，煮到好腍、好易入口但keep到應有既爽口感覺！叉燒表面應該有烤過，有少少燒焦既口感之餘卻不失juicy既質感，非常爽口，一D「鞋sap sap」既感覺都冇。同市面上大部份既叉燒一樣，肥瘦比例剛好一半一半，一啖咬落去啱啱半肥瘦超正！
麵質方面相對冇乜特別，但係都食得出同其他餐廳既麵質、口感略有不同，應該都係自家制既產物，「煙煙un un」之餘又不失爽口既感覺！糖心蛋方面就一般啦，蛋黃總算做到真正既糖心，火路剛剛好之餘隻蛋唔會因為太熟無左「流心」但又無過生「半生熟」咁，雖然簡簡單單，但絕對交足功課！
唯一要彈既係成$98一個餐好似太貴！成百蚊淨係食個麵好似有D奢侈，不過正所謂「人一世物一世」，間唔中一次就當豪比佢啦！
張貼
