新南苑私房菜 (已結業)

這間位於尖沙咀寶勒巷的新南苑私房菜，主打雞煲+火鍋放題，有多款不同的套餐，價錢都係由二百幾蚊起。店裏有着各式各樣的復仇者擺設，裝修光猛，卡位闊落，每個卡位都會有一部電視，非常細心。不同套餐主要係海鮮和牛肉種類不同，今次選了龍蝦🦞和牛大滿貫套餐。龍蝦喺魚缸即場活捉上嚟，非常新鮮。刺身拼盤有6-7款刺身，三文魚、帶子、油甘魚、赤蝦、鮑魚等等，三文魚腩鮮甜又肥美。冰鎮鮑魚入味又彈牙。除了任食雞煲、毛血旺任食外，還有酸菜魚可以揀。雞件加了洋葱、豆腐、油炸鬼等爆炒，有麻辣香又不油膩。手切牛脊色澤鮮艷，油脂分明。極黑美國和牛，極重牛味。時令海鮮拼盤有活捉龍蝦、帶子、生蠔、脆鯇片、貴妃蚌，海鮮全部都很新鮮，龍蝦肉實彈牙，魚片鮮甜爽脆。多款任食配料，海蝦、美國牛肉、雞件、丸類及台灣腸等，食材新鮮，款式非常多元化，而且样样高質。甜品仲有自家製奶凍，非常滿足。這裏飲品都非常講究，用上細樽裝的可樂，自家製的薏米水，還有其他不同種類的紙包和罐裝飲品。人均消費幾百元，可以任食新鮮即捕龍蝦，高質和牛，本地手切牛，實在非常難得！