阿爺八鮮鍋 (已結業)

同朋友嚟到旺角依間新裝修，又推出新menu嘅火鍋慶祝，1個價錢除咗2.5小時海鮮火鍋放題任食之外，仲有雞煲、燉湯、小食等，晚餐時段非常爆滿，好彩我哋一早有訂位。雞煲可以選擇麻辣、芝士同泰式醬汁，我哋揀咗芝士雞煲，芝士用量夠多，好輕易就可以拉到絲，雞肉都好嫩滑，而且好入味，芝士控一定唔好錯過。特式燉湯燉湯以茶壺形式上枱，有火爐助熱保持溫度。飲落係椰子燉雞，好清甜絕對真材實料。廚師發辦小食今日嘅款式係蟹膏蟹肉丼飯，蟹膏味道非常濃郁，甘甜鮮美。超級海鮮盤每台一盤嘅海鮮盤絕不失禮，有龍蝦、虎蝦、帶子、鮑魚同膏蟹。鮑魚好新鮮，上到枱都仲郁緊！我個人就最鍾意龍蝦，肉質結實食落鮮甜又彈牙。海鮮火鍋任食湯底揀咗蕃茄魚頭湯，酸酸地好開胃。任食主打嘅海鮮有成十幾款，包括鮑魚、蟶子皇、白鱔、生蠔、花甲等等，款款都好新鮮。其他嘅火鍋料仲有安格斯肥牛、牛白肉、黑松露墨魚滑等，款式多到試唔晒，性價比好高。仲可以加$20要埋飲品任飲，十分化算。餐後仲有果撻同朱古力撻做甜品，非常滿足。