影片
更多
2017-06-25
65 瀏覽
同阿妃來到新蒲崗因為某超市做特價, 濕平後諗住食埋晚餐先, 對商場內嘅嘢食都無乜興趣, 所以走出去搵食, 正正喺對面馬路就見到呢間"滿粥"個名好正喎, 又整整齊齊, 門口易拉架寫呢間係食粥底海鮮火鍋, 我未食過, 一於入去試下.舖內充滿住海鮮味, 好似係正個海裡面嘅感覺, 再望入舖頭內有個高高嘅水吧位, 裡面就有好大嘅魚缸, 舖內唔算好大, 老闆放個咁大個魚缸, 一定係對保持海鮮嘅新鮮度有好高要求喇. 平日夜晚7點前, 已有半數枱坐滿咗, 店員好親切咁介紹佢地嘅套餐, 每位HK$198, 包7款海鮮, 5款滋味配料, 最後有海鮮粥, 只係唔包飲品, 我地OK之後好快就SET好個粥底鍋, 用粉紅色鍋我最鍾意呀, 有TASTE吓好快上咗海鮮HIGH TEA SET, 每層都唔同, 有大蜆, 鮑魚, 蟹, 沙白, 細蜆, 多寶魚, 另外仲有紮紮跳嘅蝦, 上枱時店員同用個蓋仔阻住D蝦跳出來, 個粥底未滾前我聽住D蝦係咁跳係咁跳, 好有活力呀....個粥底一滾起店員就幫我地放咗鮑魚, 蟹, 同蝦落, 蝦係超超新鮮嘅, 一落水時仲要跳咗幾下, 好在店員用個碗隔住咋, 仲同我地講咗每樣海鮮需時
舖內充滿住海鮮味, 好似係正個海裡面嘅感覺, 再望入舖頭內有個高高嘅水吧位, 裡面就有好大嘅魚缸, 舖內唔算好大, 老闆放個咁大個魚缸, 一定係對保持海鮮嘅新鮮度有好高要求喇. 平日夜晚7點前, 已有半數枱坐滿咗, 店員好親切咁介紹佢地嘅套餐, 每位HK$198, 包7款海鮮, 5款滋味配料, 最後有海鮮粥, 只係唔包飲品, 我地OK之後好快就SET好個粥底鍋, 用粉紅色鍋我最鍾意呀, 有TASTE吓
好快上咗海鮮HIGH TEA SET, 每層都唔同, 有大蜆, 鮑魚, 蟹, 沙白, 細蜆, 多寶魚, 另外仲有紮紮跳嘅蝦, 上枱時店員同用個蓋仔阻住D蝦跳出來, 個粥底未滾前我聽住D蝦係咁跳係咁跳, 好有活力呀....
個粥底一滾起店員就幫我地放咗鮑魚, 蟹, 同蝦落, 蝦係超超新鮮嘅, 一落水時仲要跳咗幾下, 好在店員用個碗隔住咋, 仲同我地講咗每樣海鮮需時幾耐, 要我地把握最佳時間去食. 蝦2分鐘, 鮑魚3分鐘, 蟹10分鐘... 每張枱都有個牌提示客人, 同個計時器, 唔會唔記得.
首先食最活力嘅蝦, 食落真係好爽口, 好鮮甜, 每人有2隻, 每隻都好大隻. 跟住食鮑魚, 真心講呢間好細心會幫客人事先清理咗D內臟, 唔洗客人自己攪咁呢HEA, 而且時間性好重要, 跟住個時間煮真係唔會老, 好滑又不失趙口, 沙白同細蜆又甜又好肉地喎, 真係食到停唔到口. 其實食海鮮鍋真係好忙架, 前面嘅未食完, 後面嘅又熟要立即攞上來, 唔係就會過火, 好在呢間店好貼心, 店員會時刻照顧住你, 幫我們落鍋, 又幫我地將海鮮上碟.到海鮮差唔多食完就到套餐包嘅5款滋味配料, 黑毛豬腩片真係超正, 爽口, 油脂係較多但食落口唔係油膩喎, 真心推介唔好怕肥, 食咗先算
食到最後, 店員立即幫我地煮粥, 有菜甫,葱, 蛋, 豬油渣最後加埋飯落個粥底, 煮出來嘅粥黃黃地色, 比我們一般食開嘅粥杰少少, 加上之前嘅海鮮所有嘅精華, 個粥好香好甜, 幾飽都好都必須要食, 一d都唔好嘥.
總結, 我自細都鐘意食海鮮, 尤其係蝦及貝殼類, 今次第一次食粥底煮法, 最後仲要來個海鮮粥, 食完一次之後真係對佢念念不忘, 加上貼心嘅服務, 我同阿妃都異口同聲話會encore"滿粥"
張貼
