泰潮泰國菜

營業中

休息中

去左另一個街坊食堂食晏、哩個細细間嘅泰式餐廳前身都係做泰菜嘅、佢地接手之後、喺環境上見到改善左、室外個帳篷加左冷氣、冬天易有暖灯、雖然餐廳唔係裝修得好堂皇、但簡單的改善、體會到佢地係有誠意嘅~當然、菜式、味道都好重要啦、哩方面佢地做得都算唔錯喇…… 不過午市就少D選擇、只得幾個粉麵飯套餐同幾欵簡單嘅小食、所以、想試多幾款菜式、只有晚市先有~ 若果只係簡單咁食個晏、佢係一個唔錯嘅選擇！今日点左個……、青咖哩雞飯 $ 43 + 10元 飲品一杯咖哩重椰汁香、雞肉嫩滑爽口、汁好惹味、捞白飯好正！青檸梳打……味似药水味！唔係我接受嘅味、但都飲曬！