泰金鍋

營業中

休息中

今晚阿囡話想食火煱放題，經過海之戀見到有🔸️泰金鍋🔸️泰式放題幾正喎，入去試下先....120分鐘火鍋放題Set C-澳洲產M6和牛餐+大頭蝦放題$338/位多款泰國特色湯底揀：檸檬香茅、冬陰公、馬來娘惹叻沙、青檸椰汁雞湯、泰麻辣鍋等，我地唔食得太辣，揀左蕃茄同壽喜燒湯底。一人一鍋，可以交換湯底食下，都唔錯喎！放題賣點係有本地新鮮流水大頭蝦任夾！先將大頭蝦夾起，放在冰桶內，將蝦冰幾分鐘再淥。鮮蝦夠新鮮又彈牙。🐂肉類有澳洲產M6和牛，羊肩肉、牛小排、牛胸爽、牛胸腹，肉眼等，和牛雪花紋分佈平均，色澤紅潤又亮麗，牛味濃，大滿足🍢炸物同串燒，有泰式沙嗲牛肉/雞肉/豬肉串同泰式炸蝦等，沙嗲牛肉好惹味，蝦米炸網卷，燒菠蘿🌟推介蟹籽墨魚滑，鮮味爽口，仲有日本扇貝添🍽自助區有多款蔬菜、丸類同泰國公仔麵，仲有無骨鳳爪沙律，木瓜沙律，熱食有海南雞、冬蔭功湯，青咖喱雞、中式點心，炒粉絲等🥤泰式風味飲品：泰式奶茶、香茅水，多款罐裝飲品，仲有啤酒任飲！🧁甜品有椰汁斑蘭糕及椰汁西米糕，多款雪糕雪條及水果‘’泰‘’風味🔥了，喜歡泰菜又喜火煱的我要再來食🩷！