金寶泰國菜館

營業中

休息中

今日同朋友係九龍城享受完泰式按摩，到附近找間泰菜吃晚餐。朋友話以前係九龍城區讀書，放左學補完習，間中都會同屋企人嚟金寶光顧，今晚就想嚟緬懷一番。我們點了泰式冬蔭功、泰式炒金邊粉、馬拉盞炒通菜、咖哩大蝦煲配法包、雜錦糕點（椰汁西米糕併紅豆糕）及拉椰糕。其中，最喜愛冬蔭功、泰式炒金邊粉及馬拉盞炒通菜。冬蔭功材料豐富，內裏還有大蝦，適合喜愛渴濃湯嘅朋友，當湯愈滾愈濃郁，香茅及檸檬葉嘅香氣慢慢飄出，飲落較平時喝到嘅厚身，層次感豐富。金邊粉質感彈牙，粉條同配料炒得條條分明，味道酸酸甜甜，滋味十足。馬拉盞炒通菜，炒完仍然保持到菜嘅水份，感覺清新健康。甜品方面，拉椰糕挺特別，質感煙韌軟糯，帶著斑蘭葉嘅香味。拉椰榚是娘惹糕的一種，主要以粘米粉、木薯粉、椰奶等製作，另加上斑蘭香油，味道香濃，值得一試。