影片
更多
2018-12-10
40 瀏覽
收工去屯門搵朋友，朋友好日都唔會出城，所以惟有就下佢入屯門比佢帶我食好西喇天氣開始少凍，但我已經非常掛住BKK嘅美食喇。見我泰菜癮起。。朋友就帶左我去呢間［象泰宴］。餐廳環境不錯，幾有格調。平日入座率仍有9成，枱與枱間有足夠距離，不狹窄呢樣要讚下。泰式生海蝦 6隻 $88 - 分別有2款醬汁, 梅花間竹用杯仔裝住，橙色嘅係偏酸辣嘅汁, 而綠色係青辣椒做嘅汁。兩款汁都係辣嘅，而後者辣度係更上一層，綠色汁夾埋辣椒食應該會噴火。蝦肉爽口彈牙，因為朋友怕辣我一人食哂６隻當係開胃前菜合適不過啦，大叫爽黃咖哩麵包軟殼蟹 $168 - 軟殼蟹份量好多，有成6-8舊。麵包皮焗到非常香脆，黃咖哩汁香味溫和唔辣有椰奶香，朋友唔食得辣都食到。馬拉盞炒通菜 $58 - 到處都有得食嘅通菜就不多講了, 有馬拉盞味，亦炒得恰到好處唔會過老變色。但輕輕一讚係，平時其他餐廳嘅馬拉盞炒通菜8-9成都落好多油，但要一讚係呢道菜食到最底都唔會話好油。菠蘿海鮮炒飯 $98 - 飯炒得乾身, 海鮮份量都唔少而且炒得勻, 勝在每羹都會有海鮮粒粒。椰青 $34 - 泰菜又點少得椰青呢, 椰青水滿滿，非常解渴。百香芒芒 $36
天氣開始少凍，但我已經非常掛住BKK嘅美食喇。見我泰菜癮起。。朋友就帶左我去呢間［象泰宴］。
餐廳環境不錯，幾有格調。平日入座率仍有9成，枱與枱間有足夠距離，不狹窄呢樣要讚下。
泰式生海蝦 6隻 $88 - 分別有2款醬汁, 梅花間竹用杯仔裝住，橙色嘅係偏酸辣嘅汁, 而綠色係青辣椒做嘅汁。兩款汁都係辣嘅，而後者辣度係更上一層，綠色汁夾埋辣椒食應該會噴火。蝦肉爽口彈牙，因為朋友怕辣我一人食哂６隻當係開胃前菜合適不過啦，大叫爽
黃咖哩麵包軟殼蟹 $168 - 軟殼蟹份量好多，有成6-8舊。麵包皮焗到非常香脆，黃咖哩汁香味溫和唔辣有椰奶香，朋友唔食得辣都食到。
馬拉盞炒通菜 $58 - 到處都有得食嘅通菜就不多講了, 有馬拉盞味，亦炒得恰到好處唔會過老變色。但輕輕一讚係，平時其他餐廳嘅馬拉盞炒通菜8-9成都落好多油，但要一讚係呢道菜食到最底都唔會話好油。
菠蘿海鮮炒飯 $98 - 飯炒得乾身, 海鮮份量都唔少而且炒得勻, 勝在每羹都會有海鮮粒粒。
椰青 $34 - 泰菜又點少得椰青呢, 椰青水滿滿，非常解渴。
百香芒芒 $36 - 面層嘅係椰汁, 有少少似奶蓋嘅感覺。底層係芒果沙冰，芒果味非常香, 唔係假嘅芒果味,
總括黎講，質素中上，埋單人頭約$240, 仲免加一。當中最得我歡心嘅係［泰式生海蝦 ］同份量非常多嘅［咖哩麵包軟殼蟹 ］。座位坐得舒適又寬敞，方便同朋友慢慢傾下計嘛。
題外話，我地兩名女子太高估自己能力, 根本就食唔哂３人份量, 尤其係個咖哩包都幾飽肚，所以侍應姐姐都主動比個盒我地帶走半個飯，提我地唔好做大嘥鬼 Big Waster［食得哂，先至好嗌］第2日嘅LUNCH咁又搞掂埋喇。
張貼
