泰屋

營業中

休息中

好耐無食泰國菜，呢間地理位置方便，位於彌敦道，方便易搵。餐廳周圍既人食嘅野都好似好好食喎，但我地只有2個人，都唔可以食太多，唯有精選幾種特別想食架啦。黃咖喱牛筋腩黃咖哩唔會太辣，唔似普通咖哩粉開出來。牛筋腩份量唔少，而且有咬口唔會太林，充滿骨膠原嘅感覺。最正既係另外叫嘅蒜蓉包，超級香脆，沾上咖哩汁，真係無得頂，好想安哥多幾件。海鮮炒貴刁開頭唔知乜嘢係貴刁，所以想試下，上枱嘅時候就覺得外貌有啲似河粉，味道食落就有啲似乾炒牛河，但比較濕潤，同偏油。海鮮配料亦都好足夠，有大蝦，魷魚等。整個味道唔錯。炭燒豬頸肉比較失色嘅菜色，豬肉燒得好乾，肉質好嚡，唔推薦。侍應服務唔錯，一叫都盡量提供協助，衛生環境都尚可。