南洋家

營業中

休息中

呢排天氣開始炎熱，唔想出街食嘢，所以就叫我買返屋企食，喺芸芸嘅餐廳當中，又唔想食連鎖店，就見到依間小店賣特色泰國食物，所以就去試一試。泰式雞中翼酸酸辣辣咁樣，非常惹味。佢用料十分足夠，又有大量嘅香茅，仲有紫洋蔥同埋青檸。雞中翼唔係普通好細隻嗰啲，係勁大隻嘅雞翼。黃薑雞絲湯麵又係另外一個招牌菜。雞絲一啲都唔痴牙。配料亦都非常足夠，有雞蛋同埋椰菜。配以黃薑嘅味道令到呢一個湯麵充滿東南亞嘅色彩。淨係食麵同食雞翼又點會夠飽，我就梗係要食埋甜品啦，呢度嘅甜品一啲都唔貴， $20內就有交易，叫咗啦碗椰汁黑糯米，一舊斑斕蛋糕。椰汁黑糯米好煙靭，口感好好。椰汁味道好濃郁。斑蘭蛋糕嘅斑斕味道好出。蛋糕嘅質地亦都好鬆軟。