影片
更多
2023-07-16
772 瀏覽
掛住食，冇乜點影相呢間係主打食泰式任食邊爐加燒烤，肉類有分三個價位我哋係食中間嗰個，肉質都ok本身都冇抱太大期望，入到去，反而覺得有驚喜逐一介紹呢度嘅特色泰式湯底：我淨係打邊爐，冇食燒烤，打邊爐方面有好多泰式湯底，我揀咗椰汁，同肉類好夾，推薦自助夾蝦：有兩個水缸，可以自己拎冰桶去夾蝦，係普通白灼蝦個類，部份蝦都算生猛，size偏細隻，夾吓蝦幾有趣，都算另類體驗泰式醬汁：呢度最泰式嘅都應該係醬汁同調味，佢有好多泰國香料、醬汁，可以自己搭配，酸辣汁都有幾隻，可以因應喜好自己調，個人最欣賞呢一part飲品：都係普通打邊爐嘅嘢飲，佢個嘢飲櫃好大，種類選擇多，合格泰式小食：自助吧枱有好多泰式嘢食，有冬陰功、炸物等，仲有啲可以掃code order，種類都好多，有炸豬皮、炸魚皮、榴槤波波等，整體炸物偏油。最特別嘅係有個泰式甜品區，可以自己調配泰式嘢飲，味道方面個人就覺得普通，太甜。仲有椰汁西米糕同斑斕千層糕，張紙寫明每半個鐘先會fill一次，好快就俾人拎晒，於是同fd繼續等，發現fill甜品時間好唔準，一個鐘先fill一次整體嚟講，呢間嘢都有驚喜，都比到我泰式嘅感覺，上菜都算快，食物種類選擇都多，
呢間係主打食泰式任食邊爐加燒烤，肉類有分三個價位
我哋係食中間嗰個，肉質都ok
本身都冇抱太大期望，入到去，反而覺得有驚喜
逐一介紹呢度嘅特色
泰式湯底：
我淨係打邊爐，冇食燒烤，打邊爐方面有好多泰式湯底，我揀咗椰汁，同肉類好夾，推薦
自助夾蝦：
有兩個水缸，可以自己拎冰桶去夾蝦，係普通白灼蝦個類，部份蝦都算生猛，size偏細隻，夾吓蝦幾有趣，都算另類體驗
泰式醬汁：
呢度最泰式嘅都應該係醬汁同調味，佢有好多泰國香料、醬汁，可以自己搭配，酸辣汁都有幾隻，可以因應喜好自己調，個人最欣賞呢一part
飲品：
都係普通打邊爐嘅嘢飲，佢個嘢飲櫃好大，種類選擇多，合格
泰式小食：
自助吧枱有好多泰式嘢食，有冬陰功、炸物等，仲有啲可以掃code order，種類都好多，有炸豬皮、炸魚皮、榴槤波波等，整體炸物偏油。最特別嘅係有個泰式甜品區，可以自己調配泰式嘢飲，味道方面個人就覺得普通，太甜。仲有椰汁西米糕同斑斕千層糕，張紙寫明每半個鐘先會fill一次，好快就俾人拎晒，於是同fd繼續等，發現fill甜品時間好唔準，一個鐘先fill一次
整體嚟講，呢間嘢都有驚喜，都比到我泰式嘅感覺，上菜都算快，食物種類選擇都多，味道都OK，係甜品嗰一part等太耐有小小扣分，同埋炸物太油，最鍾意係醬汁調味區
我哋食晚市，人流都多，如果要食，記得網上提早book定位，咁就唔使等咁耐
張貼
