泰好記

營業中

休息中

同朋友係旺角去左一間叫泰好記既泰國餐廳，叫左佢地嘅$299雙人套餐青芒果沙律一上枱就已經有一種好清新好開胃既感覺，酸酸甜甜嘅青芒果，洋蔥配埋脆口嘅花生，開胃一流！跟住黎嘅小冬陰功湯，佢份量都好夠兩人飲，香濃嘅湯底加上新鮮嘅蝦，個陣酸辣味真係令人回味無窮。然後有馬拉盞炒椰菜苗，炒得好香，椰菜苗嫩口，再加上馬拉盞嘅鹹香味，食到停唔到口。至於泰式乾炒河，河粉炒得乾身，好夠鑊氣，又唔會油膩，大推呀依個😉飲品我地叫左杯芒果沙冰，清新解渴，飲得出係新鮮泰國芒果整既，仲有叫左杯熱柚子茶，暖胃又解膩😊整體黎講，呢個雙人套餐真係CP值超高，份量足夠，味道一流，值得推介俾大家去試一試！