影片
更多
2018-10-02
242 瀏覽
今晚我同朋友去咗觀塘嘅一間日式燒肉店食燒肉放題，呢一間我之前已經嚟過，不過今次比較唔同，因為佢做緊泰色主題，所以除咗以往嘅日式燒肉可以選擇之外，仲有好多特色嘅泰式小食可以食， 非常豐富令人期待。泡菜三色拼盤呢一個拼盤有泡菜，醃蘿蔔同埋醃青瓜，食落去酸酸微辣，好開胃。菠蘿，蕃薯仔 菠蘿係我每一次都會叫嘅燒物。因為菠蘿燒完之後個除咗個外表會香脆外，入面嘅菠蘿肉都會變得比較甜同多汁，而呢一度嘅番薯仔口感比較粉，香香甜甜。泰式海賊沙律海賊即係魷魚仔，呢一個海賊沙律食落去好鮮味 ，青瓜絲爽口。味付特色帶子裙邊，味付螺肉，韓式芽菜帶子裙邊煙煙靭靭，好有咬口。而螺肉雪到凍冰冰，食嘅時候爽口彈牙，不錯!韓式芽菜好香麻油味。澳洲產特選和牛盛合呢一款和牛盛盒有唔同種類嘅牛肉可以試食，總括嚟講佢嘅肉質不錯，食落去唔會太柴，而且肥瘦比例啱啱好，油脂味香。佢嘅燒肉通常都會事先醃好，所以食嘅時候話係唔需要再點調味醬食。海蝦，鮮魷魚，帶子呢一度嘅海鮮種類雖然唔算很多，但係勝在夠新鮮!海蝦大隻，燒完食嘅時候爽口彈牙。原隻魷魚雖然小小，但係食落去都有魷魚嘅香味。至於佢嘅燒帶子就好濃牛油味，細細粒，不錯。豬頸肉爽口，豬肉
今晚我同朋友去咗觀塘嘅一間日式燒肉店食燒肉放題，呢一間我之前已經嚟過，不過今次比較唔同，因為佢做緊泰色主題，所以除咗以往嘅日式燒肉可以選擇之外，仲有好多特色嘅泰式小食可以食， 非常豐富令人期待。
泡菜三色拼盤
呢一個拼盤有泡菜，醃蘿蔔同埋醃青瓜，食落去酸酸微辣，好開胃。
菠蘿，蕃薯仔
菠蘿係我每一次都會叫嘅燒物。因為菠蘿燒完之後個除咗個外表會香脆外，入面嘅菠蘿肉都會變得比較甜同多汁，而呢一度嘅番薯仔口感比較粉，香香甜甜。
泰式海賊沙律
海賊即係魷魚仔，呢一個海賊沙律食落去好鮮味 ，青瓜絲爽口。
味付特色帶子裙邊，味付螺肉，韓式芽菜
帶子裙邊煙煙靭靭，好有咬口。而螺肉雪到凍冰冰，食嘅時候爽口彈牙，不錯!韓式芽菜好香麻油味。
澳洲產特選和牛盛合
呢一款和牛盛盒有唔同種類嘅牛肉可以試食，總括嚟講佢嘅肉質不錯，食落去唔會太柴，而且肥瘦比例啱啱好，油脂味香。佢嘅燒肉通常都會事先醃好，所以食嘅時候話係唔需要再點調味醬食。
海蝦，鮮魷魚，帶子
呢一度嘅海鮮種類雖然唔算很多，但係勝在夠新鮮!海蝦大隻，燒完食嘅時候爽口彈牙。原隻魷魚雖然小小，但係食落去都有魷魚嘅香味。至於佢嘅燒帶子就好濃牛油味，細細粒，不錯。
豬頸肉
爽口，豬肉味都幾香，肥瘦比例剛剛好。
蔥花牛舌
蔥花配牛舌叼一個配搭超級好食，牛舌切得薄薄，輕輕一燒已經可以食得，包住清新嘅蔥花一齊食，好fresh!
日式凍豆腐
每一份凍豆腐都細細份，淋上日式醬油，好清新，好解膩。
雞軟骨串，雞腎串
雞軟骨同雞腎串食自己燒可以掌握火喉，雞軟骨燒到脆卜卜，雞腎亦燒得香脆可口，非常惹味。
溫泉蛋飯
溫泉蛋煮得剛剛好，超濃蛋黃味， 淋上日式醬油同埋撈埋蛋黃一齊食，超級好食。
冬陰功湯
上檯嘅石鍋仲係超級熱，裏面嘅冬陰功湯全部都熱到起泡泡，典型嘅泰式冬陰功味，酸酸辣辣，好香香料嘅味道。入面亦有好多海鮮材料，有青口，魷魚，海蝦，豆腐等等，做得不錯。
手工芒果糯米飯雪條
每次去泰國餐廳食飯我都一定會叫芒果糯米飯嚟食。雖然呢度冇芒果糯米飯食，不過竟然有芒果糯米飯雪條，非常特別。所以我都即刻叫咗一條試一試。佢嘅雪條分咗兩層，有椰汁同埋芒果汁，椰汁嗰層好濃椰香味，芒果汁嗰一層亦都不錯，而最特別嘅係佢竟然有軟淋嘅芒果糯米飯喺條雪條入面，真係超級有驚喜同埋好好食。
雪糕
食埋呢一杯雪糕真係非常滿足呀。
張貼
