泰特色泰國餐廳 (已結業)

朋友係外國番黎，緊係要食飯洗下塵先啦，荃灣出名多野食，最後我地就揀左呢間叫泰特色既餐廳，餐廳入坐率都算高，一坐底先叫左2枝泰啤，正常價錢，$20+，先黎一個沙嗲雞豬雙拼串燒，好少餐廳會跟多一兜汁，但雞同豬就燒得過火左少少，韌左少少，但沙嗲汁既味道都不錯，冬蔭公海鮮湯，3個人剛好1人1碗，但呢個湯我就覺得太酸，所以我飲唔到辣味，然後有個小食拼盤，小食都幾好，唔會炸得太油，生菜包份量都好多，如果辣辣地會仲好食，馬拉盞炒通菜，唔會炒到好咸，出面有些店會炒到好咸，3個人一共食左$380，但可能客人太多餐廳冷氣不夠，全程都有點焗。