小曼谷泰國美食 (教育路) (已結業)

九龍城超出名嘅小曼谷，係元朗開分店已經有一段時間，天氣咁熱無乜胃口，最啱食泰國嘢🌟招牌海南雞 海南雞用左心形碟裝🧡有2碗冬瓜例湯送，無骨滑雞蘸辣醬食，當堂開胃哂🌟牛油蒜蓉燒扇貝 以為係例牌牛油蒜蓉口味啫，點知上面鋪滿咗炸銀魚仔同蝦乾，脆香嘅口感配鮮甜嘅扇貝，口味配搭上有花心思🤩🌟燒脆皮白鱔 表皮微焦，魚肉夠厚身🌟泰式沙嗲串燒 揀咗四款；雞肉、豬肉、頂級牛柳粒同牛舌，沙嗲汁偏甜口，鐘意呢到有得散叫唔同款，平時好多鋪頭一叫就要半帶一帶甘Order🌟咖喱炒虎蝦 虎蝦有四大隻，蝦肉肉質緊緻，每一隻均勻被咖喱汁包裹🌟泰式原味烤薄餅 一放上枱薄餅脹卜卜，我掛住食😆之後先影相，薄餅就扁返d，表皮好酥脆，一份有2塊，用嚟蘸咖哩食正吖🌟食泰菜點少得椰青，如果鍾意食椰肉，可以叫椰皇;鐘意飲無糖飲品就一定係揀青檸梳打